2 Samuele 23:10 - Mawu a Mulluku

¹⁰ Koma olliyooyo aahalla, awiipha Afilisti ophiyera nnatta naye naatopa koma woohitathilla nsupada. Nllapo nenno Apwiya yampambaniha. Vatulli viwa Aisraele yaahokollowa yaakha dda athu awiiphiwaayo.

2 Samuele 23:10 ပူးပေါင်းရင်းမြစ်များ

1 Samuele 19:5

Vallethi ahiivelleella wunchichi voomwiiphani Goliyatoolle. Apwiya yahaakavihera Aisraele nllapo nenne vawaapambanihani nave ddahuuhakallallihani. Kaambiiwa tini munapaalleenyu omweerella ddoonanara Davide muthu oohichimoolla.”

1 Samuele 11:13

Koma Saulo aallota wi, “Khaavo ollellova muthu anaawiiphiwe vawi ollello Apwiya aaphara mutteko wowaavullusa Aisraele.”

2 Akorinto 4:5

Vawi ninallalleyeehu khe dda hiyaano koma ninallalleya dda Yesu Khrisitu wi tti Apwiya. Nave hiyaano wi tti oorumeyellaanyu ekaamba ya Yesu.

Aroma 15:18

Kineerollota moohoova ddennddove Khrisitu eerilleeye oweella mwa miyaano wi kineeroweeriha athu ayo ehiri Ayuda omwiiwellella Mulluku. Kineereweera ddenndda voollotani ni voopharani muttekwaaka

Yesaya 53:12

Sika kineeromuvaha nipuro variyari va attekweene. Aneerokawana ddawaakha ni amasiva vawi aavelleella okumaaye ophiyera okhwa, aheesiwa wonanko mmodda a athu oohithwara malamulo. Ahiireya machimo a athu anchichi, ahaavekella oochimwa wi ekhululukiwe.

Masalimo 144:10

Nyuwaano munnaapambaniha mamwene vakhotoni, munnamwaakhiha Davide oorumeyellaanyu onsupadani.

Masalimo 108:13

Mulluku akhalla ni hiyaano, nineerowana ekhoto moollipa murima vawi tti olliye anaawaanyingallelle adanaahu.

Masalimo 68:12

“Mamwene a milloko dda akhoto enimathawa, ddawoona enimathawa, vano atthiyana oohalla vaatte ennakawana ddawaakha okhotoni.

2 Mamwene 5:1

Naamani aari akhoto muullupalli a mulloko wa mwene a o Siriya. Olliye aari muthu oororomelleya wunchichi ni ookondiwa ni apwinnya ekaamba yawi akhotwaaye yaanaagonjiha akhwiiwa vawi Apwiya yaanamuhoollella. Naamani aari muthu amasiva ni oollipa murima koma aari amakate.

1 Samuele 14:23

Nave ekhotweeyo yaawaniwa ophiyera yaakhwaranya muzinda wa Betaveni. Mmu sika Apwiya yaavulluselliiwa Aisraele nllapo nenno.

1 Samuele 14:6

Yonatani aamulleella musombwaayoolle wi, “Hanko nillapuwe niye omisasani dda akhoto a Afilisti oohiphaddiwaalla. Apaalle Apwiya ttuunikavihera. Vawi kheyiivo yowaavaanyiha Apwiya onikavihera wi naagonjihe naari nihaatille.”

Oweeruza 15:18

Vano Samisoni aavolliwa nthona wunchichi nave ahaaveka Apwiya wi, “Nyu mwaavelleella masiva oovullusa manchichi wa mi oorumeyellaanyu. Ethiyo vano kikhwe ni nthona nave kiphariwe ni oohiphaddiwaalla?”

Oweeruza 15:14

Samisoni aphiyalle o Lehi, Afilisti yaamuchingamella ekhuwaka. Enthawi yeeyo munepa a Apwiya aamukitthella mwamasiva nave aaphadda mikwe yamumakilliiwana miwono wonanko olusi wawunta. Ottotthowa omora m'mattani mwaye.

Yoswa 11:8

Apwiya yahaavelleella m'mattani mwa Aisraele wawi yahaahella ekhoto ewiikariha yaphiya ompoto wa Sidoni muullupalli ni o Misirefoti Maimu navettho wookhuma nndduwa yaphiya o ntapo na Mizipa. Yaawiipha attheenaayo, khaavo naari muthu mmodda avulluwalle.

Yoswa 10:42

Yoswa ahaagonjiha mamwene mattheenaalla ni ellapo ddiwa enthawi yeella ekaamba yawi Apwiya Mulluku a Aisraele sika aawanella ekhotweeyo.

Yoswa 10:10

Apwiya yaaweeriha adanaayo wi yoove yawoonilliiwa akhoto a Aisraelaalle. Aisraele yahaagonjiha Aamori o Gibiyoni. Yaawiikariha okittha mwaango wa o Betehoroni ni owiipha ophiya o Azeka ni o Makeda.

2 Samuele 23:12

Koma olliyooyo ahiimella muwariwari mwa emata aayiteteza nave aawiipha Afilistaayo. Sika Apwiya yahaavullusa ni waapambaniha wuullupalli.

1 Epilli 11:13

Olliye aari ni Davide o Pasidamimu mvo Afilisti yatthukumanilliiwa wi ewanena ekhoto mu emata yabarele. Athu yahaathawa Afilistaayo

1 Samuele 17:53

Vano akhoto a Aisraelaalle yaawaawo woowiikara Afilisti wulle, eya omisasani ddakhoto dda Afilisti yaakha ddeko dda m'misasani.