2 Samuele 23:1 - Mawu a Mulluku

¹ Mawu ookomihera a Davide tti awi, nna sika nchipo na Davide, mwaana a Yese, mawu a muthu oyo Apwiya yamweerilliiwa wi akhalle muullupalli oyo Mulluku a Yakobo amuzozilleeye wi akhalle mwene, muthu ooddivelliwa wiipa machipo aphaama a Israele.

2 Samuele 23:1 ပူးပေါင်းရင်းမြစ်များ

Masalimo 89:20

Koomuphwanya Davide oorumeyellaaka, koomuzoza ni makhuraaka aweella.

Akolose 3:16

Othenga wa Khrisitu onaphwanella okhalle m'murimani mwanyu mwawaatesa. Muhuddihaneke ni olangizana mweezeru. Mwiipeke masalimo, machipo a Mulluku ni machipo a munepa. Ni murimaanyu muttheene muwiipelleke ni waatitimiha Apwiya.

Luka 24:44

Vano aallota wi, “Ddeko ddenndda kaallota khalle kaariimi ni nyuwaano wi ddittheddene ddalembiwe dda miyaano mu malamulo a Mose ni ehuddiho ya anamallotella ni Nibukhu na Masalimo, ddinaphwanella wi ddikwakhwanihiwe.”

Amosi 6:5

Munnapeka ni wiipa machipo voopharihani mutteko azeze munaganiza wi muri wonanko Davide.

Masalimo 72:20

Omalliha wa mavekello a Davide mwaana a Yese.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

1 Epilli 16:9

Wiipelleni machipo awaatitimiha, tthopoollani ddoottikhiniha ddiwa ddittheddene.

1 Epilli 16:7

Vano nllapo nenno Davide aganizalle wi ello yawaamba ekhalle wiipa machipo owaathokoza Apwiya moohoollelliwa ni Asafu ni akhwaaye.

1 Samuele 2:10

Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*

Yakobo 5:13

Ethiyo ookhallavo mmodda a nyuwaano ari mu ddoohoosa? Avekelle. Ethiyo ookhallavo mmodda a nyuwaano anahakallalla? Iipe ddoomutitimiha Mulluku.

Luka 20:42

Vawi Davide yeekhaaye aallota mu Nibukhu na Masalimo wi, ‘Apwiya yahaalleella apwiyaaka wi, “Khalla o nnattanatta naka

Deuteronomo 33:1

Alla sika madaliso ayo Mose muthu a Mulluku avelleelleeye wa Aisraele ahinakhwe.

Genesis 49:1

Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”

1 Samuele 17:12

Davide aari mwaana a Yese, mu Efurati, o Betelehemu a o Yuda. Oyo aari ni anamwani aallopwana atthanu ni araru. Va enthawi ya mwene Saulo, Yese aari uulluvanlle wunchichi.

1 Samuele 18:7

Atthiyanaayo yaaniipa moohimaana wi, “Ee Saulo oowiipha athu 1,000, koma Davide awiiphalle athu 10,000.”

2 Samuele 22:34

Annallipiha meto ddaka wonanko dda naahe, annakeetiha phaama m'mwaangoni.

2 Samuele 22:51

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.

Masalimo 89:21

Sika nnatta naka nineerekomuseera, muwonwaakattho oneerekomullipiha.