2 Samuele 22:44 - Mawu a Mulluku

⁴⁴ Mwaakivullusa wa oollipana ni miyaano, mwaakitthattusa mwene a mitundu, sika athu oohaadduwella yaanakirumeyella.

2 Samuele 22:44 ပူးပေါင်းရင်းမြစ်များ

Yesaya 55:5

Vano muneerewiithana mitundu nnddo muhinaddidduwelleenyu, mitundu ddoohuudduwellani ddineeroowa mwawaakuva wi ddikhalle ni nyuwaano, ekaamba ya mi Apwiya Mullukwaanyu, Aweella a Israele oyo kinuuvahani oriiheya.”

2 Samuele 3:1

Vano ekhoto variyari va athu a Saulo ni athu a Davide yaavirellellave wa enthawi yoorekama. Masiva a Davide yaanavirellella waata koma masiva athu a Saulo yaanavirellella oyeva.

2 Samuele 19:14

Sika Davide ahaakopa Ayuda attheene nave yahiiwanana ello emodda. Vano athwaayo yaarumiha mawu wa mwene ellota wi, “Waani wuno ni akhotwaanyu attheene.”

2 Samuele 19:9

Vano athu attheene a malloko a Aisraele yaanakangana weekhiiwa. Yallota wi, “Mwene Davide aanivullusa wa adanaahu nave aanoopolla wa Afilisti. Koma vano ookhuma mwiillaponimmu, omuthawa Abishalomu.

Deuteronomo 28:13

Apwiya Mullukwaanyu eneerewuutthattusani muru ohiri mwiilla variyari va mitundu dda athu. Munaakhalleke avaddullu ohiri avatthi mwiiwellella ni othwara moororomelleya malamulwiiwa kinawinnyeemini ollellwaalla.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Aroma 15:12

Namallotella Yesaya anallotattho wi, “Mmodda a edduullu dda Yese aneeroowa, aneeroowa wi aalamulelle athu a mitundu ddimodda nave alliwaayo enaatiyereke va olliyooyo.”

Aroma 9:25

Mulluku aallota mu nibukhu na Hoseya wi, “Athu ayo yahaari aaka kineerewaromolla wi, ‘Athwaaka.’ Mutundu oyo kahiwukondeemi kineerowuuromolla wi, ‘Ookondiwaaka.’

Hoseya 2:23

Kineerommidda mwiillaponi wi akhalle aaka. Kineerewooniha echikondi wa ‘Khakondiwa.’ Athu ayo kaaromolleemi wi ‘Khe athwaaka,’ kineerewaaromolla wi, ‘Athwaaka.’ Nave alliwa eneerollota wi, ‘Mullukwaahu.’ ”

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Yesaya 65:1

Apwiya yaallota wi, “Kaaddoonihella meekha wa ayo yahikivekille nave kaaphwanyiwa ni ayo yahikaashille. Wa mutundu oyo ohinakiithaneke kaallota wi, ‘Kiri vaava, kiri vaava.’

Yesaya 60:12

Koma ellapo ni moomwene ayo ehinuurumeyella eneerotthollowa, athu a mitundu ddenndda eneerewoonongeya.

Masalimo 110:6

Eneerollaka mitundu dda athu amodda, eneeroddalliha ellapo ettheene ni mitembo, eneerewaagonjiha oolamulella va ellapo yavatthi ettheene.

Masalimo 18:43

Mwaakivullusa wa oollipana ni miyaano, mwaakitthattusa mwene a mitundu, sika athu oohaadduwella yaanakirumeyella.

Masalimo 2:8

Ngakiveke woone, kineerotthattusa mitundu wi ddikhalle yoohallanaawo. Ellapo ettheene yavatthi enaakhalle yaawo.

2 Samuele 20:22

Mutthiyanooyo mwa ezeru ddaye aaya wa athu aatthopoollella mwahoolla. Sika athwaayo yaaphadda muru wa Sheba, mwaana a Bikiri, emuvokhella Yowabu. Vano Yowabu ahoopa nipallapata nave akhotwaaye attheene yaavenyawo o etawoninko arive muthu anaya owaniwa nave Yowabu aahokollweella o Yerusalemu wa Davide.

2 Samuele 5:1

Vano malloko mattheene a Aisraele yaatthukumana vamodda wa Davide o Hebroni nave yaamulleella wi, “Ngoonani, hiyaano ni nyuwaano niri a nikhame nimodda.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.