2 Samuele 22:32 - Mawu a Mulluku

³² Khaavo Mulluku mmodda koma Apwiyave, khaniivo nlluku nimodda noothawellavo koma Mullukwaahuve.

2 Samuele 22:32 ပူးပေါင်းရင်းမြစ်များ

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

Deuteronomo 32:31

Vawi naari adaniiwa ennadduwellattho wi milluku ddiwa kheddinallikana ni Mulluku a Israele.

Yesaya 44:8

Muhitathille murima, muhoove. Ethiyo ovenyera khallekhalle nguulleelleni ni wuusimikizellani ddenndda? Nyuwaano muri ambonaaka. Ethiyo ookhallavottho Mulluku mmodda okihiya miyaano? Iyaayi, khaniivottho nlluku nimodda, nginadduwella naarimi nirivo nimodda.”

Yeremiya 10:16

Koma Mulluku a Yakobo khari wonanko mafanwaalla, olliye sika oophatusa a ddittheddene. Israele tti mutundu wa yoohallanaaye, nnddina niwa tti Apwiya Amasiva Mattheene.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Yesaya 44:6

Apwiya, Mwene ni Oowoopolla a Israele, Apwiya Amasiva Mattheene enallota wi, “Mi tti awaambeella ni oomallihella, khaavottho Mulluku mmodda koma meekhave.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Deuteronomo 4:35

Apwiya yaawoonihani ddenndda wi nyuwaano mudduwelle wi Apwiyave sika Mulluku nave wi khaavottho mmodda.

2 Samuele 7:22

Ddawoona, nyuwaano tti muullupalli, Apwiya Mulluku Amasiva Mattheene, moollikana ni nnddo niiwalleehu khaavo ari oophwanaphwana ni nyuwaano nave khaavo Mulluku mmodda koma nyeeneve.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,