2 Samuele 22:3 - Mawu a Mulluku

³ Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

2 Samuele 22:3 ပူးပေါင်းရင်းမြစ်များ

Masalimo 9:9

Wa Apwiya tti woothawellawo athu oophittiwa, tti woovulluwellawo enthawi ya ddawoopiha.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Miyambo 30:5

Mawu mattheene a Mulluku tti awoona. Olliye tti yootetezella ya ayo enathawella wa olliye.

Masalimo 46:11

Apwiya Amasiva Mattheene eri ni hiyaano, Mulluku a Yakobo sika woothawella wahu.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Aheberi 2:13

Aallotattho wi, “Kineeromuroromella Mulluku.” Nave allotattho wi, “Ngoonani, kiri mva vamodda ni anamwani kavahiweemi ni Mulluku.”

Luka 1:69

Oonivaha Oovullusa amasiva, edduullu ya Davide, oorumeyellaaye,

Masalimo 144:2

Tti oororomelleyaaka ni woothawellawo waka, mpandaaka wookivullusa ni echishangwaaka yoothawellawo, ennahiya mitundu dda athu vatthi va olamulellwaaka.

Masalimo 59:16

Koma kineerekewiipa machipo dda masivaanyu, orive ohinase kineerowiipa mookhuwa machipo ootetheella echikondaanyu yoohisintheya vawi nyuwaano tti mpandaaka, nipuro noothawellamo va enthawi ya ddookatamiha ddaka.

Masalimo 14:6

Nyu oonanara, munnaanganyera ddoolinga dda oopaneya, koma Apwiya sika woothawella wiwa.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yesaya 32:2

Arive muthu mwa alliwa anaakhalle wonanko voothawellavo ephevo apaalle nipuro noomwiipitthellavo namondwe. Enaakhalle wonanko mihinje ddaweeta mu ellapo yawumma apaalle muuthuuchi wa nlluku nuullupalli mu echipululu.

Masalimo 140:4

Nyu Apwiya, kitetezeni wa athu oonanara, kaakhihereni wa athu eekuku, ayo enaganiza ddookikuha.

Masalimo 55:9

Nyu Apwiya, virikanihani ollota wa adanaaka, vawi kinoona owukila ni ekhoto m'muzindanimmo.

Masalimo 46:7

Apwiya Amasiva Mattheene eri ni hiyaano, Mulluku a Yakobo sika woothawella wahu.

Luka 1:71

wi aneeronivullusa wa adanaahu, ovenyera m'mattani mwa attheene ayo enaniita hiyaano.

Masalimo 140:11

Muhaakhullelle wi avayanoni akeraattheye mu ellapo, yoonanara emuthwareke muthu eekuku ophiyera emoonongille.

Masalimo 140:1

Nyu Apwiya, kivulluseni wa athu oonanara, kaakihereni wa athu eekuku.

Masalimo 86:14

Nyu Mulluku, athu eepewe aakiwukila, athu eekuku ennaashaasha okumaaka, khenapwatha dda nyuwaano.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 84:9

Nyu Mulluku, tti yawiitetezellaahu, wehani ekhove ya oozoziwaanyu.*

Masalimo 72:14

Aneerewoopolla okumiiwa wa owaanyingallella ni eechiwawa nikhame niwa tti noowallamella mutengo vamiitthoni vaye.

Masalimo 71:7

Kiri ello yoottikhiniha wa athu anchichi vawi nyuwaano tti voothawella vaka voollipa.

Masalimo 61:3

Nyuwaano sika woothawella waka, nttattha noollipa nookiteteza wa adani.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Masalimo 27:5

Va nllapo na ddookatamiha eneerokivittha, eneerokisunga muwari mwa enyumbiiwa, eneerokiteteza vanllukuni noorekama.

Masalimo 5:12

Nyu Apwiya munnaadalisa athu oolungama, oreera murima wanyu onakhalla wonanko yawaateteza.

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

2 Samuele 22:51

Mulluku annamupambaniha wunchichi mwenaaye, annooniha echikondaaye yoohisintheya wa oozoziwaaye,* wa Davide ni edduullu ddaye wa enthawi yoohimalla.

2 Samuele 22:49

Nyu sika mwakivullusalle wa adanaaka, mwaakiwelliha okhwaranya ookiwukila, mwaakaakihera wa athu eekuku.

1 Samuele 2:1

Hana aavekella wi, “Murimaaka onnahakallalla ekaamba ya nnddo ekeerelle Apwiya. Kinneeta moorumiha mukhito ekaamba ya Apwiya, kinnaattheya adanaaka, koohakallalla wunchichi vawi mookivullusa.”

Deuteronomo 32:37

Vano Apwiya eneerewaakoha athwiiwa, ‘Ddiri wuuwi milluku ddamasiva mwaroromelleenyunndde?

Tito 3:6

Mulluku aanimiminella Munepa Waweella mwawaata oweella mwa Yesu Khrisitu Oovullusaahu.

Tito 3:4

Koma Mulluku Oovullusaahu uupullullalleeye oreera murima ni echikondaaye,

Luka 1:47

nave munepaaka wohakallalla ekaamba ya Mulluku, oovullusaaka,

Yeremiya 16:9

Apwiya Amasiva Mattheene, Mulluku a Israele enallota wi, “Vano va nipuro nenna kineerewaamalliha mawu eehakallallo ni oothapella nave kineerovenyihavo mawu a ootthella ni ootthelliwa nyu moonaka.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Masalimo 32:7

Nyuwaano tti woothawellawo waka, munnakiteteza mu ddookatamiha, munnakaapheelliha ni okhuwa wa ovullusa.

Masalimo 142:4

Kaweha o nnattanatta, khaavo naari mmodda anapwatha dda miyaano, khawiiwo wawi kithawellewo, khaavo muthu ookikavihera.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

2 Samuele 22:31

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

2 Samuele 22:47

Apwiya tti ookumi! Nititimiheye nlluku naka, ariiheye Mullukwaaka, ookivullusaka!

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

Eksodo 15:2

Apwiya sika masivaaka ni ekophollo ddaka, alliwa tti oovullusaaka. Alliwa tti Mullukwaaka nave kineerewaatitimiha, tti Mulluku a attiitthaaka nave kineerewaatthamalla wunchichi.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

Masalimo 46:2

Ekaamba ya yeella khannoova naari ellapo yavatthi etikheye, naari miyaango ddimorenlle variyari va enyanja,