2 Samuele 22:24 - Mawu a Mulluku

²⁴ Ngaari ni mullatu vamiitthoni vaye kaanaarapa machimo mu okumaaka.

2 Samuele 22:24 ပူးပေါင်းရင်းမြစ်များ

Genesis 6:9

Nna sika ntthopoollo na Nowa. Nowa aari muthu oolungama ni oohichimwa vamiitthoni va Mulluku. Nave mum'badwaaye aari yooyove aattanille ni Mulluku.

Yobu 1:1

Vaakhalla muthu mmodda mu ellapo ya Uzi nnddina naye Yobu. Muthoolla aari oohichimwa, oolungama, ooheera ddoonanara ni oomoova Mulluku.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Aheberi 12:1

Vawi virive veko voonaapheella vookhalla amboni a echikhulupililo anchichi ddiidda, hankoni nivenyihevo erive ello yooniselliha, makamaka machimo ayo eniwanddeellelle nave nithamake ni murima muttheene mpikisano nambilleehoolla.

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

2 Akorinto 5:11

Ninnadduwella wi tti woophwanella owoova Apwiya nave ninneeseesa waakopa athu amodda wi yaathwarelle Apwiyaayo. Mulluku annanidduwella phaama hiyaano nave kinnaganiza wi munnanidduwellattho hiyaano m'murimani mwanyu.

Yohane 1:47

Yesu amoonilleeye Natanaele awaaka wa olliye, aallota dda olliyooyo wi, “Olla sika mu Israele awoona, mwa olliyooyo khamuri woottha.”

Miyambo 4:23

Wehera murimaawo okhwaranya ddittheddene oriiwena vawi okumaawo okonne mwemmo.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.

Akolose 1:21

Khalle nyuwaano mwaarekamellana ni Mulluku nave mwaari adanaaye ekaamba ya machimo mweenreenyu ni mwaaganizalleenyu.

Akolose 1:22

Koma vano oyeella mwa okhwa wa mwanaye wonanko muthu, Mulluku aawaattanihani nyuwaano ni olliye wi mukhalle aweella, oohichimwa ni oohikhalla ni nipamba vamiitthoni vaye.

Genesis 7:1

Apwiya yaamulleella Nowa wi, “Vollowa muchomboni weyaano ni nibanja nawo. Kohoona tti weekhave oolungama variyari va athu attheene a mbadoolla.

Masalimo 17:1

Nyu Apwiya, iwani ovekella wa oolungama, apellani maaru winlla waka, iwani ovekella wa oohoottha.