2 Samuele 22:2 - Mawu a Mulluku

² Davidooyo aawiipella Apwiya nchipo nawi, “Apwiya sika nlluku naka, mpandaaka ni oovullusaaka.

2 Samuele 22:2 ပူးပေါင်းရင်းမြစ်များ

Masalimo 71:3

Mukhalle nlluku naka noothawellawo, mpandaaka woollipa wookivullusa. Ddawoona, nyuwaano sika nlluku naka ni mpandaaka.

Masalimo 31:3

Ddawoona, nyuwaano sika nlluku naka ni mpandaaka, kihoollelleni ni okookollella ekaamba ya nnddina nanyu.

Masalimo 144:2

Tti oororomelleyaaka ni woothawellawo waka, mpandaaka wookivullusa ni echishangwaaka yoothawellawo, ennahiya mitundu dda athu vatthi va olamulellwaaka.

Masalimo 91:2

aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

Mateyu 16:18

Sika kinuuvaha nnddina nawi Petro ottaphullella wi, ‘nlluku’. Vanllukuni vaava kineeromakavo mpingwaaka nave masiva a okhwa khewugonjiha.

Masalimo 42:9

Kinnakoha wa Mulluku nlluku naka wi, “Ethiyo Mukitiwallelle tini? Ethiyo kinaaweetelleke tini kinllaka ekaamba ya opaniwa ni mudanaaka?”

1 Samuele 23:25

Vano Saulo ni akhotwaaye yaaya yamwaashaashaka Davide koma olliye aari iiwalle. Ella sika ekaambiiwa athawilleeye aya omwaangoni wa malluku muchipululuni ya Mawoni. Vano Saulo iiwalle wi Davide aathawella o Mawoni aamuthwara ochipululuni wenko.

1 Samuele 24:2

Saulo ahaakusa akhoto 3,000 ayo aatthoonlleeye variyari va akhoto attheene a Aisraele eya yamwaashaka Davide ni athwaaye o mwaango wa anaahe.

2 Samuele 22:32

Khaavo Mulluku mmodda koma Apwiyave, khaniivo nlluku nimodda noothawellavo koma Mullukwaahuve.

2 Samuele 22:33

Mullukoolla sika mpandaaka wamasiva, annakivenyihella ddawoopiha muttillani mwaka.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.