2 Samuele 21:7 - Mawu a Mulluku

⁷ Koma mwenooyo aamuvittha Mefibosheti, mwaana a Yonatani, mwaana a Saulo ekaamba ya ollupella wulle Davide eerilleeye ni Yonatani mwaana a Saulo vamiitthoni va Apwiya.

2 Samuele 21:7 ပူးပေါင်းရင်းမြစ်များ

2 Samuele 4:4

Vano Yonatani, mwaana a Saulo, aakhalla ni mwanaye ookhwa meto nnddina naye Mefibosheti. Epilli ya okhwa wa Saulo ni Yonatani yiiweyiiwa o Yezireele, mwaanoolla aari ari ni miyakha mitthanu. Muthu oyo amullella mwaanooyo iiwalle dda okhwanko aamukusa athawana. Voothawani mwawaakuva, mwaanoolle aamuvulluwa, amorella vatthi, aphoreya. Orakalla waye wavenyenre vaavo.

1 Samuele 23:18

Vano eellaayo yaakeraatthiha echipangano vamiitthoni va Apwiya wi ehiwe yiitana. Sika Davide aakhalla o Horeshi nave Yonatani aahokollweella owaniwa.

1 Samuele 20:15

Apwiya yaawiiphaka adani attheene a Davide va ellapo yavatthi,

1 Samuele 18:3

Yonatani aakeraatthiha echipangano ni Davide vawi aamukonda wonanko iikondelleeye yeekhaaye

2 Samuele 9:10

Vano weyaano ni anaawo ni oorumeyellaawo mumullimelleke olliyoolla nave muweekena ddoohata ddoomata wi nibanja na apwiiyo mukhalle yoocha. Koma Mefibosheti anaacheke ni miyaano mallapo mattheene.” Ziba aari ni anamwani aallopwana khumi ni atthanu nave oorumeyellaaye yaari 20.

1 Samuele 20:8

Okeerelle ddaphaama miyaano kaporwaawo, valle waakeraatthiha echipangano ni miyaano vamiitthoni va Apwiya. Kaarimi kuulakwenlle okiiphe weyaano weekhawo koma woohikhalla wi wakivelleelle m'mattani mwa attiittho wi kiiphiwe.”

1 Samuele 20:42

Yonatani aamulleella Davide wi, “Eta phaama vawi noollupella vamiitthoni va Apwiya wi ekhalle mboni variyari va miyaano ni weyaano owaakattho edduullu ddaka ni edduullu ddawo mallapo mattheene.” Davide aatimulla nave Yonatani aahokollweella o etawoni.

1 Samuele 20:17

Yonatani aamullupellihattho Davide wi ahinahiya omukonda vawi Yonatani aanamukonda Davide wonanko iikondelleeye yeekhaaye.

2 Samuele 19:25

Sika awiilleeye ovenyera o Yerusalemu akumanaka ni mwene, mwenooyo amukoha wi, “Mefibosheti kaambiiwa tini wahithaananilleewe ni miyaano?”

2 Samuele 16:4

Mwenooyo aamulleella Ziba wi, “Ddittheddene ddaari dda Mefibosheti vano tti ddaawo.” Ziba aallota wi, “Kinimuuvekani Apwiyaaka mwene, erive enthawi mukeerelleke echifundo.”

2 Samuele 9:7

Davide aamulleella wi, “Ohoove. Kinapaalla wi kiweerelle echifundo ekaamba ya Yonatani, attiittho. Kineerewuuhokollosella ellapo ettheene ya apwiiyo Saulo. Onaacheke ni miyaano mallapo mattheene.”

1 Samuele 20:12

Omata wulle Yonatani aamulleella Davide wi, “Apwiya Mulluku Aisraele ekhalle mbonaahu. Kaakoha attiitthaaka osiisello apaalle omuroto enthawi yawi ddiidda nave koona wi enapaalla oweerella ddeko ddaphaama, Kineerewuurumihella mawu wi odduwelle.

2 Samuele 9:1

Nllapo nimodda Davide aakoha wi, “Ethiyo ookhallawo oyo ahanlle ovenyera mu nibanja na Saulo? Kinapaalla wi kimweerelle echifundo ekaamba ya Yonatani.”

Oollalleya 8:2

Wiiwellelleke lamulo na mwene ekaamba ya ollupella wawo wa Mulluku.

1 Samuele 24:22

Davide aallupella ddittheddenennddo Saulo iiwaka. Vano Saulo aahokollweella owaniwa koma Davide ni athwaaye yaaya woowiipittha onikhunguni wulle.

2 Samuele 9:6

Mefibosheti, mwaana a Yonatani, mwaana a Saulo, aphiyalleeye wa Davide, aawarama vamiitthoni va Davide avelleella olemu. Vano Davide aallota wi, “Mefibosheti!” Olliyooyo ahaakhulla wi, “Koowa mi oorumeyellaanyu.”