2 Samuele 21:17 - Mawu a Mulluku

¹⁷ Koma Abishai, mwaana a Zeruya, aawa wi amukavihere Davide, allipana ni mfilistooyo ophiyera aamwiipha. Vano akhoto a Davide yaalonjeza moollupella wa Davidooyo wi, “Vano nyuwaano khamuwa muya okhotoni ni hiyaano woova wi munaawiiphiwe. Nyuwaanothi tti muthu oororomelleya mu Israelemmu.”

2 Samuele 21:17 ပူးပေါင်းရင်းမြစ်များ

1 Mamwene 11:36

Koma kineeromuvaha nlloko nimodda wa enthawi yoohimalla wi vikhalle edduullu ya Davide oorumeyellaaka wi elamulelleke mu Yerusalemu, muzinda kawutthoonlleemi wi nnddina naka nillapelliwekemo.

2 Samuele 18:3

Koma athwaayo yaallota wi, “Nyu khamunithwara kaambiiwa hiyaano nathawa adani khenipwatha nave hafu a hiyaano akhwa alliwaayo khenipwatha. Koma nyuwaano tti oopaalleya okhwaranya athu 10,000 a hiyaano. Ella sika ekaambiiwa oriiwa woopaalleya wunchichi wi nyuwaano munirumihelleke nikavihero ovenyera omuzindani wuno.”

Masalimo 132:17

Davide kineeromuphuwelliha nnyaka wenko, koomukhozella enyali oozoziwaaka.

1 Mamwene 15:4

Koma ekaamba ya Davide, Apwiya Mullukwaaye yaamuvaha Abiya mwaana wi avollowe omwene.

Yohane 5:35

Yohane aari wonanko enyali ni yoowala nave nyuwaano mwaatthoolla ohakallallana owalanko enthawi yoyeva.

Masalimo 144:10

Nyuwaano munnaapambaniha mamwene vakhotoni, munnamwaakhiha Davide oorumeyellaanyu onsupadani.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

2 Samuele 22:29

Nyu Apwiya tti enyalaaka, Mullukwaaka, munnakimolleella mwiipiphini.

2 Samuele 22:19

Adanaayo yaakillika miyaano, kaariimi muddoohoosani, koma Apwiya yaakiseera.

2 Samuele 14:7

Vano nibanja nittheene nookiwukila mi mullupa muttekwaanyu aamutthiyana. Enallota wi, ‘Oninnye mwanawo oyo amwiiphalle mwanamunne wi nimwiiphe ekaamba ya mwanamunne oyo amwiiphalleeye.’ Sika athu eneerokoonongella mwaana oyo anaahallena eyuuma. Athwaayo eneeromwiipha mwaana kihanlleemina nave nnddina na mamunaka nineerotiwalleya vawi khanikhalla ni mwaana munibanjani mwahu.”

Yeremiya 40:15

Vano Yohanani mwaana a Kareya aamulleella vakhwipi Gedaliya wi, “Kaakhullelleni wi kamwiiphe Ishmaele mwaana a Netaniya nave khaavo anaadduwelle. Nyuwaano anaawiiphelleni tini ni waakhullella wi Ayuda attheene ewaapheellenaalla emwareye nave oohalla o Yuda yoonongiwe?”

2 Samuele 18:2

Vano Davide aarumiha mulloko wa akhoto aakawille milloko miraru. Mulloko mmodda awuuhoollella tti Yowabu, mmodda Abishai, mwaana a Zeruya, mung'onong'onwaaye a Yowabu, mmodda Itai Mugiti. Vano mwenooyo ahaalleella athwaayo wi, “Mi kineerewuuthwarani.”