2 Samuele 21:16 - Mawu a Mulluku

¹⁶ Vano Isibi Benobi, mmodda mwa edduullu dda athu amasiva ooromolliwa Arefaimu, oyo nivaka naye nallemella makilogaramu mararu ni hafu. Nsupada naye nisha niri mu laamba a muyuununi mwaye, aaganiza ddawi amwiiphe Davide.

2 Samuele 21:16 ပူးပေါင်းရင်းမြစ်များ

2 Samuele 21:20

Nave waakhallattho ekhoto o Gati, nko waari muthu oorekama ookhalla ni eyaalla dditthanu ni emodda o orive nnatta ni eyaalla dditthanu ni emodda o orive nnyallo, ddittheddene ddaarivo eyaalla 24. Olliye aarittho mmodda a edduullu dda Arefaimu.

2 Samuele 21:18

Vatulli wiwa vaakhalla ekhoto ni Afilisti o Gobu. Wenko Sibekai Muhusha, aamwiipha Safu oyo aari mmodda a edduullu dda athu awoopiha ooromolliwa Arefaimu.

2 Samuele 21:22

Nndda ddaari edduullu dda Arefaimu a o Gati koma yahiiphiwa ni Davide ni akhotwaaye.

2 Samuele 5:18

Afilisti yaaphiya ekhalla moovokhana va ntapo na Refaimu.

Deuteronomo 9:2

Athwiine tti amasiva navettho oorekama, edduullu dda Anaki munaadduwelleenywaalle. Vawi mwahiiwa ddillotiwaka wi, ‘Ethiyo ttaani anaawore ollipana ni edduullu dda Anaki?’

Deuteronomo 3:11

(Ogi sika aari mwene ookomihera a Arefaimu. Nibokosi naye naari namukoko noorekama mamita masese nave nooramballalla mamita meelli voophwanaphwanihella ni muyeso wa mallapo yaayo. Nave nibokosinno ttuunoona o Raba, muzinda wa Aamoni.)”

Deuteronomo 2:21

Athwaayo yaari amasiva ni anchichi nave yaarittho oorekama wonanko Aanaki. Komave Apwiya yaawoononga nave ellapwiiwa yahaakhiwa ni Aamoni ayo yakeraattheye wenko.

Deuteronomo 2:10

“(Khallekhalle waakhalla athu amodda amasiva ooromolliwa Aemimu. Athwaayo yaari anchichi nave yaarittho oorekama wonanko Aanaki.

Deuteronomo 1:28

Ethiyo ninaaphwanye ellapo yawiidde wenko? Abalaahu naarumalleehwaalle yaaniriiryiha mwiilli wi athwaayo tti amasiva ni oorekama onikhwaranya hiyaano. Eniwattho mizinda ddiwa tti dduullupalli, dda mipanda ddoorekama. Navettho eniwa wenko yaawoonawo athu uullupalli ni oorekama, edduullu dda Anaki.’

Genesis 14:5

Va muyakha wa khumi ni sese Kedori Laomere ni akhwaaye awiiwananana yaawa ni ekhoto nave emugonjiha Arefaimu oyo akhalla o Ashiteroti Karanaimu, Azuzimu a o Hamu ni Aemimu o ntapo na Kiriyataimu.

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

Numeri 13:22

Vawaamba yaweelle ettilla yoomwera yaphiya o Hebroni nko wakhalla Ahimani, Sheshai ni Talimai, edduullu dda Anaki. (Muzinda wa Hebroni wamakiwe miyakha mitthanu ni miilli muzinda wa Zowani o Iguputo ohinamakiwe).

Numeri 13:28

Komathi athu amwiillaponimmo tti amasiva, mizinda ddiwa tti ddawaapheelliwa ni mpanda navettho tti dduullupalli. Woonjerera vaavo naawoonattho edduullu dda Anaki.

Yoswa 15:14

Kalebe aawiikariha malloko mararu a anamwani a Anaki mwiillaponimmo. Manddiniiwa yaari Sheshai, Ahimani ni Talimai.

Deuteronomo 2:11

Amowabu yaanaaromolla Aanaki ni Aemimu wi tti Arefaimu.

Yoswa 11:22

Khaavo naari mmodda Aanaki oyo ahanlle mu ellapo ya Aisraele. Koma ooyeva yahallille o Gaza, o Gati ni o Ashidodi.

1 Samuele 17:7

Yoomuteteza yaari wonanko ekopo yuullupalli yawoopella ekuwo. Muru wa nivakanno wallemella vakhuviru makilogaramu matthanu ni meelli a mukoko. Vahoollo vaye vaanakhalla muthu ootukhulla yoomuteteza.