2 Samuele 21:10 - Mawu a Mulluku

¹⁰ Vano Rizipa, mwaana aamutthiyana a Aya, aakusa echiguduli aanddellella vanllukuni mvo vaari mitembo ddaathwaayo, waambeella enthawi yoohateeyo ophiyera enthawi yawi murimu ahaamba orupa. Mutthiyanooyo khaapaalla wi vamitembonimvo otthaana viphiye epallame apaalle mahiiyu viphiye enama ddamuhakani.

2 Samuele 21:10 ပူးပေါင်းရင်းမြစ်များ

Deuteronomo 21:23

mutembooyo ohikoneke vamuteekhonimvo. Muwuvitthe nllapo nenno kaambiiwa wi mutembo wootthomeyiwa vamuteekhoni onnawiiha matembelelo a Mulluku. Sika muvuhellelle mutembooyo wi muhiripihe ellapo eyo Apwiya Mullukwaanyu enuuvahiiwani wi ekhalle wonanko yoohallanaanyu.

Zekariya 10:1

Avekeni Apwiya wi yuuvaheni murimu mu enthawi yawaalla vawi alliwa sika enapanga mirapo. Alliwa sika enamurupiha murimu ni omumellihella mmiddo m'matani arive muthu.

Yowele 2:23

Nyu athu a o Ziyoni, hakallallani thapellani ni nnddo Apwiya Mullukwaanyu eweerelleewani. Aaweerellani echifundo voomurupihani murimu eeyitta, ntthokollapallaka ni murimu awaallella.

1 Mamwene 21:27

Ahabu iiwalle mawu yaalla, ahaahulla ddoowara ddaye, awara eziguduli. Aahalla ocha,* akona va ezigudulinnddo nave ahaamba weeta mwawiiyeviha.

2 Samuele 3:7

Abinere aakona ni mwaariye mung'onong'ono a Saulo, nnddina naye Rizipa, mwaana a Aya. Vano Ishibosheti aamukoha Abinere wi, “Kaambiiwa tini okonilleewe ni mwaariwa mung'onong'ono a attiitthaaka?”

Yowele 1:18

Eng'ombe ddiniminlla ni ettalla, ddinimoona weeteeta ekaamba yoorama munyepu naarittho enkhosa ddinimahoowa.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Ezekiele 39:4

Oneerewiikuha o miyaango dda o Israele, weyaano, akhotwaawo ni attheene enuukavihera. Kineerewuutthattusa yoocha ya neekhwaambe ni ya enama ddamuhakani

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Deuteronomo 21:13

nave asinthe ddoowara awarilleeye voophariwani. Akhalle mpa mwanyu mweeri muttheene wi awinllelle attiitthinnya ni amennya. Ddamalla ddenndda, vano ttuumutthella wi akhalle mwaarinyu.

Deuteronomo 11:14

Nave alliwa sika enaamurupiheke murimu mwiillaponi mwanyu enthawi yaphaama monga murimu awaamba ni murimu oomallihella wi mukhalleke ni tirigwaanyu, vinywaanyu navettho makhuraanyu.

1 Samuele 17:44

Vano Mufilistooyo aamulleella Davide wi, “Ngawa wuno, muhehaawo kinaavahelle epallame ddamuddullu ni enama ddamuhakani.”

Genesis 40:19

Vavira mallapo mararu Farao aneerewuukhumiha mundendenimmu nave aneerewaalamula akhoto wi ephadde murwaawo. Vano mutembwaawo oneerotthomeyiwa vamuteekhoni nave epallame ddineerottakhuna muhehaawo.”

1 Samuele 17:46

Ollello vaava Apwiya eneerokikavihera wi kuugonjihe. Kineerewuukuha ni wuuphadda murwaawo. Mitembo dda akhoto a Afilisti, kineeroddivahella epallame ddamuddullu ni enama ddamuhakani wi athu a ellapo ettheene edduwelle wi wookhalla Mulluku o Israele.

2 Samuele 21:11

Davide iiwalle nnddo Rizipa, mwaana a Aya, mwaariye mung'onong'ono a Saulo eerilleeye,

Deuteronomo 21:22

Muthu iiphiwa ekaamba ya mullatu nave mutembwaaye watthomeyiwa vamuteekhoni,