2 Samuele 20:13 - Mawu a Mulluku

¹³ Amasooyo avenyihiwevo vamusewunimvo athu attheene yaamuthwara Yowabu wi yamuthware Sheba mwaana a Bikiri.

2 Samuele 20:13 ပူးပေါင်းရင်းမြစ်များ

Mariko 10:46

Yesu ni oohudderaaye yaawa o muzinda wa Yeriko. Yavenyeewawo ni mulloko wa athu muullupallooyo, muthu ooveka oohoonooyo nnddina naye Bartimeyu, mwaana a Timeyu, aakeraatthi mukhwipi mwa musewu.

Yeremiya 31:21

Wiihiyere echizindikiro, wiikhomelle ezikwangwani. Owehesese musewu, musewu eyo waweelleewe. We namwalli, Israele hokollowa, hokollweella o mizinda ddawo.

Yesaya 62:10

Khumellani, khumellani vamullakonimvo, apotokoselleni ettilla athu! Llimani, llimani musewu, venyihanimoni malluku, imesani embendela wi mitundu dda athu ddooneke.

Yesaya 36:2

Vatulli viwa mwene a o Asiriya aarumiha endunaaye yuullupalli ovenyera o Lakishi wi eye ni mulloko muullupalli wa akhoto wa Hezekiya o Yerusalemu. Sika enduneeyo yahiimella vakhuviru ni engalande yamaaddi yoovenyera o nthiya na omwaako, vamusewuni muullupalli wooya o emata ya Muthu Eeruso Yaweelliha Ekuwo.

Yesaya 7:3

Sika Apwiya yaamulleella Yesaya wi, “Mukuse mwanawo Sheariyashubu mwakumane ni Ahazi wookomella engalande yamaaddi yoovenyera o nthiya noomwaako va musewu muullupalli wooya o emata ya Muthu Eeruso Yaweelliha Ekuwo.

Miyambo 16:17

Musewu wa muthu oolungama onnarapa ddoonanara nave muthu awoonesesa ettillaaye annasunga okumaaye.

2 Mamwene 18:17

Komave mwene a o Asiriya aaruma enduna yuullupalli, akhoto muullupalli, kazembe ni mulloko wa akhoto muullupalli wa mwene Hezekiya o Yerusalemu ovenyera o Lakishi. Alliwa yaaya o Yerusalemu nave yahiimella vakhuviru ni engalande yamaaddi yoovenyera o nthiya na Omwaako, vamusewuni muullupalli wooya o emata ya Muthu Eeruso Yaweelliha Ekuwo.

1 Samuele 6:12

Vano eng'ombenndde ddaheeta moothwara musewu muullupalli wooya o Beteshemeshi, ddinllaka. Khaddaarukunuwelle wuunyotthoni apaalle onnattanatta, mamwene a Afilisti yaari eddithwaraka vatulli viwa, ophiyera m'malireni a Beteshemeshi.

Oweeruza 21:19

Sika yaallota wi, “Valle wookhalla Ehakallallo ya Apwiya ya muyakha ni muyakha o muzinda wa Shilo.” Shilo aari wookhuma nndduwa wa musewu woovenyera o Betele oya o Shekemu, omwera wa Lebanoni.

Numeri 20:19

Aisraele yaallota wi, “Hi ninaaweete m'musewuni mwanyuve. Eziweto ddahu ddawirya maaddaanyu, nineerollivella. Naakhullelleni wi nivire.”

2 Samuele 20:1

Vano waakhalla muthu oohitthopoowa, nnddina naye Sheba, mwaana a Bikiri a nlloko na Benjamini. Olliye nllapo nimodda ahoopa nipallapata allota wi, “Hi khaninna echigawo mu omwene wa Davide, khaniinnattho yoohallana mu omwene wa Yese! Nyu Aisraele, arive muthu ayeeke o enyumbaaye.”

2 Samuele 20:11

Muthu mmodda a akhoto a Yowabu vakhwipi va mutembo wa Amasa, allota wi, “Arive muthu anapaalla omuthwara Yowabu ni Davide, amuthwareke Yowabooyo.”

2 Samuele 20:14

Sheba aaphiya omallokoni mattheene a Aisraele ophiyera aaphiya o etawoni ya Abele mu echigawo ya Betemaki. Athu attheene a nlloko na Abikiri yaatthukumana evollowana mu etawoneeyo.