2 Samuele 20:12 - Mawu a Mulluku

¹² Enthawi yeeyo Amasa aari iihuruwelle ni nikhame naye variyari va musewu. Arive muthu oyo amoona aaniimella. Vano muthu a o Yowaboolle oonille wi athu enniimella, aamutukhullavo Amasooyo, amuvenyihavo vamusewunimvo amuhiya vahakani amukhuneella ni yoowara.

2 Samuele 20:12 ပူးပေါင်းရင်းမြစ်များ

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

2 Samuele 17:25

Abishalomu aamweeriha Amasa wi akhalle oohoollella ekhoto munipuroni na Yowabu. Amasa aari mwaana a muthu mmodda nnddina naye Yetere Muishmaele oyo amutthenlle Abigaile, mwaana a Nahashi, murokora a Zeruya, amennya a Yowabu.

2 Samuele 2:23

Koma Asahele khaapanlle ohiya omwiikariha Abinere, sika Abinere aamuhoma Asahelooyo vamirimani ni embali yoohitthokowa ya nivaka naye, nivakanno naakhumellella vamutthanani. Asahele ahiikuha, akhwella vaavo. Athu attheene ayo yaphiyalle mvo vakhwenlle Ahasele kheyaari ni yoollota.

2 Samuele 20:11

Muthu mmodda a akhoto a Yowabu vakhwipi va mutembo wa Amasa, allota wi, “Arive muthu anapaalla omuthwara Yowabu ni Davide, amuthwareke Yowabooyo.”

2 Samuele 20:13

Amasooyo avenyihiwevo vamusewunimvo athu attheene yaamuthwara Yowabu wi yamuthware Sheba mwaana a Bikiri.