2 Samuele 20:10 - Mawu a Mulluku

¹⁰ Koma Amasa khaadduwella yaweera ni nsupada nno naari m'mattani mwa Yowabu. Enthawi yeeyo Yowabooyo aamuhomana vamirimani omodda, marupo ekhuma nave akhwenlle vaavo. Vano Yowabu ni Abishai, mwanamunne, yaamuthwara Sheba mwaana a Bikiri.

2 Samuele 20:10 ပူးပေါင်းရင်းမြစ်များ

2 Samuele 2:23

Koma Asahele khaapanlle ohiya omwiikariha Abinere, sika Abinere aamuhoma Asahelooyo vamirimani ni embali yoohitthokowa ya nivaka naye, nivakanno naakhumellella vamutthanani. Asahele ahiikuha, akhwella vaavo. Athu attheene ayo yaphiyalle mvo vakhwenlle Ahasele kheyaari ni yoollota.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

Oweeruza 3:21

Ehudi aahullulla nsupadanne vakasambarani onnattanatta ni muwono woonyottho amuhomana mwenooyo vamirimani vaye.

1 Epilli 12:2

Alliwa yaari oodduwella ophariha mutteko miira. Yaanawora ovokhella malluku onnattanatta apaalle wuunyotthoni. Yaari Abenjamini, abalaaye a Saulo.

2 Samuele 20:9

Vano Yowabu aamukoha Amasa wi, “Ethiyo mbalaaka waweella waarera?” Yowabooyo aamuphara Amasoolle ereru ni nnattanatta naye wi amukhupaarelle.

1 Samuele 26:8

Abishai aamulleella Davide wi, “Mulluku ohuuvahani ekari mahiiyu vano wi mumweerena mudanaanyu eyo munapaalleenyu. Kaakhullelleni wi kimuhome omodda ni nivaka naye moomupataaniha ni ethaya. Ngimuhoma opiilli!”

Genesis 4:8

Nllapo nimodda Kaini aamulleella mung'onong'onwaaye Abele wi, “Hanko niye omata” Ephiyalle omata wulle, Kaini aamurukunuwella mung'onong'onwaaye nave aamwiipha.

Numeri 35:20

“Muthu amuhoma mukhwaaye ekaamba yawi tti mudanaaye apaalle amuhoma ni echida moomwiipitthella

Yeremiya 41:2

Ishmaele mwaana a Netaniya ni athu khumi yaavenya emwiipha ni masupadiiwa Gedaliya, mwaana a Ahikamu, mwaana a Shafani, oyo mwene a o Babiloni amuhiyalleeye wi akhalle oolamulella ellapo.

Oweeruza 3:15

Koma Aisraelaayo yinllelliiwa wa Apwiya, Apwiyaayo yahaarumihella owaavullusa oyo aavullusalle. Olliyoolla aari Ehudi, mwaana a Gera, Mubenjamini, muthu oonyottho. Aisraele yaanakhoma musonkho wa Egiloni, mwene a o Mowabu, oweella mwa Ehudi.