2 Samuele 2:9 - Mawu a Mulluku

⁹ Vano yaamuzoza omwene wi akhalle o echigawo ya Giliyadi, Ashere, Yezireele, Efuremu ni Benjamini nikhulle mi ellapo ya Israele ettheene.

2 Samuele 2:9 ပူးပေါင်းရင်းမြစ်များ

Masalimo 108:8

Giliyadi tti aaka, Manase tti aaka. Efuremu tti echipewaaka yookiteteza Yuda tti ekopwaaka yoomwene.

Oweeruza 1:32

Koma Aasheri yaanakhalla nimodda ni athu a mu ellapweeyo, Akanani, vawi kheyaawiikarihalle Akananaayo.

Yoswa 19:18

Echigawiiwa yaari Yezireele, Kesuloti, Shunemu,

Numeri 1:40

Mwa edduullu dda Ashere yaaweerenga manddina a allopwana attheene oowora owana ekhoto a miyakha 20 oya muhoollo moollikana ni mabanjiiwa navettho makhollwiiwa.

Genesis 30:13

Sika Leya aallota wi, “Koohakallalla! Nave atthiyana eneerokiromolla oohakallalla.” Sika mwaanooyo aamuvaha nnddina Ashere.

Yoswa 22:9

Sika athu attheene a nlloko na Rubeni ni na Gadi owaaka hafu a nlloko na Manase yaahokollweella owaniwa yaahiya Aisraele amodda attheene a o Shilo mu ellapo ya Kanani eya o ellapo ya Giliyadi, yoohallaniiwa eyo yaakhenlliiwa moollikana ni malamulo a Apwiya oweella mwa Mose.

1 Samuele 29:1

Afilisti yaatthukumaniha milloko ddakhoto ddiwa o Afeki. Naalliwanittho Aisraele yaamaka misasa ddiwa ddakhoto wiihimeni ya o Yezireele.

2 Samuele 2:10

Ishibosheti, mwaana a Saulo, ari ni miyakha 40 aambeeye olamulella ellapo ya Israele nave omwenaaye wamanlle miyakha miilli. Koma nlloko na Yuda naamuthwara Davide.

2 Samuele 3:6

Athu a Saulo ni athu a Davide yawaniiwa, Abinere aaddinnya yeekhaaye masiva variyari va athu a Saulo.

1 Epilli 12:29

Athu a nlloko na Benjamini, abalaaye a Saulo yaarivo 3,000. Koma ophiyera enthawi yeeyo anchichi mwa alliwa yaanavirellellave othwara nibanja na Saulo.

Yoswa 16:5

Malire a Efuremu moollikana ni mabanjiiwa yaari ovenyera o malire a yoohallaniiwa ya wookhuma nndduwa o Ataroti Adara ophiya omutundani wa Betehoroni.

Yoswa 16:8

Maliraayo yaavolloweella woovollowa nndduwa ovenyera o Tapuwa yaphiya omuhinjeni wa Kana nave yaakhumellella o Enyanja Yuullupalli. Ella sika yaari yoohallaniiwa ya Aefuremu moollikana ni mabanjiiwa,

Yoswa 16:9

ottakanyiheravo mizinda ddoopatulelliwa wa Aefuremu variyari va yoohallaniiwa ya a Manase, matawoni mattheene ni mizi ddiwa.

Yoswa 17:1

Echigawo emodda ya ellapweeyo yaavahiwa wa Manase oyo aari mwaana awaamba a Yosefe. Makiri, nikhollo na athu ookhalla o Giliyadi sika aari mwaana awaamba a Manase. Makiri aarittho akhoto wawi ezigawo dda Giliyadi ni Bashani ddaavahiwa wa olliye.

Yoswa 18:11

Mabanja a nlloko Benjamini yahaakhella ellapo ya variyari va Yuda ni Yosefe.

Yoswa 18:20

Muhinje wa Yordani sika waari malire a wookhuma nndduwa, yoohallaniiwa ya athu a nlloko na Benjamini voollotani dda maliriiwa oowaapheella moollikana ni mabanjiiwa.

1 Epilli 12:30

A nibanja na Efuremu yaarivo 20,800, athu amasiva, oovuwa o mabanja a makhollwiiwa.