2 Samuele 2:32 - Mawu a Mulluku

³² Vano yaakusa mutembo wa Asahele yawuvittha mu mahame a attiitthinnya ayo yaari o Betelehemu. Yowabu ni athwaaye yaheeta mahiiyu mattheene nave wasiiwa yaari ephiyalle o Hebroni.

2 Samuele 2:32 ပူးပေါင်းရင်းမြစ်များ

Miyambo 22:29

Ethiyo woomoona muthu eeruso ni muttekwaaye? Olliye aneerewiimella vamiitthoni va mamwene oohikhalla va athu shisha.

2 Epilli 21:1

Vatulli viwa Yehoshafati aakhwa, avitthiwa mu mahame a makhollwaaye mu muzinda wa Davide. Nave mwanaye Yehoramu aavollowa omwene munipuroni mwaye.

2 Epilli 16:14

Yamuvitthalle m'mahame ayo iisemelleeye mu muzinda wa Davide. Mutembwaaye yawukonaatthihalle mu nibokosi mmo mwaari ddawunkhella ddoohiyanahiyana nnddo ddapangiwe ni athu eeruso. Vano yaaviddeella munllo wawoopiha omuvaha olemu.

2 Samuele 5:1

Vano malloko mattheene a Aisraele yaatthukumana vamodda wa Davide o Hebroni nave yaamulleella wi, “Ngoonani, hiyaano ni nyuwaano niri a nikhame nimodda.

1 Samuele 17:58

Saulo aamukoha Davide wi, “Ethiyo we musombwe, ori mwaana awani valle?” Davide ahaakhulla wi, “Mi tti mwaana a mullupa muttekwaanyu Yese a o Betelehemu.”

Genesis 47:29

Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno.

Genesis 47:30

Kinapaalla kakone nko okonne makhollwaaka. Mutembwaaka owutukhulle o Iguputo wuno wawuvitthe mu mahame a makhollwaaka.” Yosefe ahaakhulla wi, “Kineereweera wonanko mullotellaanyummo.”

Oweeruza 8:32

Gideoni, mwaana a Yowashi, aakhwa ekaamba yawuulluvalla nave aavitthiwa mu mahame a Yowashi, attiitthinnya a o Ofura, muzinda wa nlloko na Abiyezere.

2 Samuele 2:31

Koma akhoto a Davidaayo yaari ewiiphalle athu ookwakhwana 360 a Abinere, a nlloko na Benjamini.