2 Samuele 19:7 - Mawu a Mulluku

⁷ Koma vano mukhume mwaallipihe murima akhotwaanyu mowaahakallalliha. Kinimallupella vamiitthoni va Apwiya wi mwaahiyaawo, voophiyani osiisello akhoto attheene enaakhalle yuuthawilleni. Vano ddenndda ddineerewuunanarani okhwaranya ddoonanara ddittheddene dduumorelleni ovenyera enamwanaanyu ophiyera ollello”

2 Samuele 19:7 ပူးပေါင်းရင်းမြစ်များ

Miyambo 14:28

Mulloko muullupalli wa athu sika oriiheya wa mwene koma aahikhalla ni athu omwenaaye onnavevuwa.

Genesis 34:3

Vawi Shekemu aamukonda wunchichi Dina ahaambella omullotella mawu oomukohera namwallooyo.

Hoseya 2:14

“Vano ngiiwani, kineeromukopa mutthiyanooyo wi kiyeena o echipululu, kamuhakallallihe ni mawu eechikondi.

Yesaya 40:1

“Akhurumuseni murima, akhurumuseni murima athwaaka,” Mullukwaanyu oollota.

Miyambo 19:15

Waapaalla, khalla oolesi, konaka koma oneerovolliwa ettalla.

2 Samuele 19:6

Nyuwaano munaakonda adanaanyu nave muniitana ni athu ayo enuukondani, ollello moonoonihella vaweella wi khamunnana mutteko mwene ni akhotwaanyu. Koodduwella wi Abishalomu akhwilleeye khamunahakallalla koma nakhwilleke hiyaano othwaanyu olliye akhalla mukumi.