2 Samuele 19:43 - Mawu a Mulluku

⁴³ Aisraelaayo yaawaakhulla Ayudaayo wi, “Mwa yoolla mookhalla milloko khumi dda hiyaano. Nave mu omwene wa Davide hiyaano nookhalla ni milloko ddinchichi wuukhwaranyani nyuwaano. Vano kaambiiwa tini nyuwaano munanivevulleenyu? Ethiyo khanihiyo hiyaano naambille ollota wi mwenaahu aweewo?” Koma athu a o Yuda yaallota moowalli wunchichi waakhwaranya Aisraele attheene.

2 Samuele 19:43 ပူးပေါင်းရင်းမြစ်များ

Agalatiya 5:20

mu ollapella mafano ni okhwiri. Athu enniitana nave ennawana; ennakhallellana ehache, osha murima ni wiikonda. Ennakawaneya millokomilloko;

2 Samuele 5:1

Vano malloko mattheene a Aisraele yaatthukumana vamodda wa Davide o Hebroni nave yaamulleella wi, “Ngoonani, hiyaano ni nyuwaano niri a nikhame nimodda.

Yakobo 1:20

Vawi osha murima wa muthu khonahoollella o echilungamo ya Mulluku.

Afilipi 2:3

Muheereke erive ello mwawiikonda apaalle mwawiitukhulla koma mwawiiyeviha vawoonani athu amodda okhalla oopaalleya ohiyana ni nyuwaano.

Agalatiya 5:26

Nihikhalle ookota apaalle ollikana mmodda ni mukhwaaye, vihikhalle ehache va mmodda ni mukhwaaye.

Agalatiya 5:15

Nave mwaakhallaka wonanko enama ddamuhakani, mwaallumanaka ni ochana, muchenjere wi muhoonongane attheene.

Aroma 12:21

Muhigonjihiwe ni yoonanara koma mugonjihe yoonanara ni yaphaama.

Miyambo 18:19

Omukhurumusa murima mbalaawo wamulakwella tti wookatamiha okhwaranya waakha muzinda wookhalla ni mpanda woollipa. Okangana onakhalla wonanko mikoko ddoollipa ddoowallella machiwi.

Miyambo 17:14

Waamba wa okangana tti wonanko ondonya wa maaddi, vano ovenyekevo ekhoto ehinaambeye.

Miyambo 15:1

Waakhulla wawiithaalla onnakhurumusa murima koma mawu oovoreya ennashiha murima.

Miyambo 13:10

Wiitukhulla onnawiiha okangana koma oyo alangiziwe annakhalla ni ezeru.

1 Mamwene 12:16

Aisraele attheene yoonilliiwa wi mwenoolle khaawaakhullelle yapaalliiwannddo, yaamwaakhulla wi, “Ethiyo hi niri ninti ni Davide? Khaninna yoohallana mwa mwaana a Yese. Kheyiivo ninaaphurevwaahu va yoohallana ya mwaana a Yese. Nyu Aisraele, hokollweellani owaninyu, we Rehobowamu, mwaana a Davide, alamulelleke athwaawo.” Sika Aisraele yaahokollweella owaniwa.

2 Samuele 20:6

Vano Davide aamulleella Abishai wi, “Sheba, mwaana a Bikiri, aneeronikatamiha omukhwaranya Abishalomu. Waakuse akhotwaaka mumuthware ahiniiphwanyelle mizinda dda mipanda ddoollipa ni onihoosa hiyaano.”

2 Samuele 20:1

Vano waakhalla muthu oohitthopoowa, nnddina naye Sheba, mwaana a Bikiri a nlloko na Benjamini. Olliye nllapo nimodda ahoopa nipallapata allota wi, “Hi khaninna echigawo mu omwene wa Davide, khaniinnattho yoohallana mu omwene wa Yese! Nyu Aisraele, arive muthu ayeeke o enyumbaaye.”

2 Samuele 19:14

Sika Davide ahaakopa Ayuda attheene nave yahiiwanana ello emodda. Vano athwaayo yaarumiha mawu wa mwene ellota wi, “Waani wuno ni akhotwaanyu attheene.”

2 Samuele 19:9

Vano athu attheene a malloko a Aisraele yaanakangana weekhiiwa. Yallota wi, “Mwene Davide aanivullusa wa adanaahu nave aanoopolla wa Afilisti. Koma vano ookhuma mwiillaponimmu, omuthawa Abishalomu.

Oweeruza 9:23

Koma Mulluku aamwiitaniha Abimeleki ni athu a o Shekemu nave athu a o Shekemwaayo kheyaaroromelleyille wa Abimeleki.

Oweeruza 8:1

Nllapo nimodda Aefuremu yaamukoha Gideoni wi, “Ethiyo wahiniithanelle tini wawaneewe ni Amidiyani?” Vano yaamusimwella wunchichi.