2 Samuele 19:39 - Mawu a Mulluku

³⁹ Sika athu attheene yaallapuwa muhinje wa Yordani nave mwenooyo aallapuwattho. Vano mwene aamukhupaarella Barizilai amudalisa nave olliye aahokollweella owaniwa.

2 Samuele 19:39 ပူးပေါင်းရင်းမြစ်များ

Genesis 31:55

Osaka wene, ohinase, Labani aakhupaarella edduullu ddayenndde ni anaaye aatthiyana. Nave aadalisalle, ahaallaanya, sika aatimulla anarowa owaniwa.

Rute 1:14

Enthawi yeeyo yahaambattho winlla moowelliha mawu. Olipa ahaakhupaarella akogwawaaye nave ahaallaanya, ahokollweella owaniwa. Koma Rute aamuwanddeellella Naomooyo.

Genesis 47:7

Nave Yosefe ahaakusa Attiitthinnya, Yakobo, ayaana wa Farao. Nave Yakobo aamudalisa Farao.

1 Atesalonika 5:26

Muvahaneke mooni mwa echikondi ya ookhulupilila.

Mitteko 20:37

Athu attheene yahinlla yamukhupaarelliiwa nngu ellaanyanaka.

Luka 2:34

Vano Simiyoni ahaadalisa nave allota wa Mariya amennyaayo wi, “Mwaanoolla ootthoolliwa ni Mulluku wi akhalle ollakiwa ni ovullusiwa wa athu anchichi a o Israele. Aneerokhalla echizindikiro yoovenyera wa Mulluku, eyo athu anchichi eneeriiwa yiitanena.

1 Mamwene 19:20

Vaavo Elisha aahiya eng'ombe ddayennddo amuthamakella Eliya, amuveka wi, “Mukaakhullelle wi kaallaanye attiitthaaka ni amoowaaka nave vatulli viwa kuuthwareni.” Eliya aamwaakhulla wi, “Khawe, apaalle kohuuhiiha?”

2 Samuele 14:33

Sika Yowabu aaya wa mwene akambirana ni mwenooyo ddennddo. Vano mwenooyo aamwiithaniha Abishalomu. Nave olliye aawa wa mwene akokhora vamiitthoni vaye. Nave mwenooyo aamwaakhella phaama voomukhupaarellani.

2 Samuele 13:25

Koma mwenooyo aamulleella Abishalomu wi, “Iyaayi mwanaka nihiyeewo attheene, ninaawuuhoose.” Aheeseesa mmu ni mmu omuwatihera koma Davide khaathaananillena. Koma Davide aamudalisa Abishalomooyo.

2 Samuele 6:20

Davide ahokollweelleeye owaniwa wi adaliseke nibanja naye, Mikala, mwaara a Davide, mwaana aamutthiyana a Saulo aamuchingamella allota wi, “Mhu! Nyu mwene a Aisraele mohiivevulla nyookha ollello! Ophiya voorullani vamiitthoni va allupa mutteko aatthiyana a allupa muttekwaanyu wonanko mullupaanepa, oohiwulliwa muru naari vang'ono!”

2 Samuele 6:18

Amallihalle ovelleella mukutho wooshellelliha ni wa murendelloolle, Ahaadalisa athu mu nnddina na Apwiya Amasiva Mattheene.

1 Samuele 24:22

Davide aallupella ddittheddenennddo Saulo iiwaka. Vano Saulo aahokollweella owaniwa koma Davide ni athwaaye yaaya woowiipittha onikhunguni wulle.

Numeri 24:25

Vano Balamu aatimulla anarowa. Balaki aarowattho.

Genesis 47:10

Nave amudalisalle Farao, yaallaanyana nave aavenyavo.

Genesis 45:15

Vatulli viwa ahaakhupaarella asinne attheenaalle inllaka. Vano asinnaalle yahaamba waarera ni Yosefe.

Genesis 28:3

Mulluku Amasiva Mattheene uudalise nave uuvahe edduullu ddinchichi wi okhalle nlloko nuullupalli na mitundu ddinchichi dda athu.

Genesis 14:19

Aamudalisa Abramooyo wi, “Mulluku Amasiva Mattheene, oophatusa oddullu ni ellapo yavatthi, uudalise weyaano Abramu.

2 Samuele 19:38

Mwenooyo ahaakhulla wi, “Kimuhamoolla kineerollapuwana nave kineeromweerella erive ello enaawuuddivelleni nyuwaano. Nnddo munaganizeenyu wi kiweerelleni, kineeroweerellani.”