2 Samuele 19:28 - Mawu a Mulluku

²⁸ Vallethi athu attheene a munibanjani na attiitthaaka yaari oophwanella wiiphiwa ni nyu apwiyaaka amwene. Koma mi oorumeyellaanyu mwaakitthoolla wi kicheke nimodda ni nyuwaano. Vano ehanlle tti tini wi kuuvekeni mukeerelle echifundo, nyu amwene?”

2 Samuele 19:28 ပူးပေါင်းရင်းမြစ်များ

2 Samuele 9:13

Sika Mefiboshetooyo akhalla o Yerusalemu vawi aanacha mu enyumba ya mwene mallapo mattheene. Koma aari oorakalla manyallo meelliine.

2 Samuele 9:10

Vano weyaano ni anaawo ni oorumeyellaawo mumullimelleke olliyoolla nave muweekena ddoohata ddoomata wi nibanja na apwiiyo mukhalle yoocha. Koma Mefibosheti anaacheke ni miyaano mallapo mattheene.” Ziba aari ni anamwani aallopwana khumi ni atthanu nave oorumeyellaaye yaari 20.

2 Mamwene 8:3

Vano ddimanlle miyakha mitthanu ni miillinnddo, mutthiyanooyo aawaawo o ellapo ya Afilisti wulle nave aahokollweella wa mwene a o Israele wookoha dda enyumbaaye ni emataaye.

1 Samuele 26:16

Nndda weerilleewe khe ddaphaama. Kinimallupella vamiitthoni va Apwiya wi onaphwanella okhwa kaambiiwa khomutetezille mwene, oozoziwa a Apwiya. Ngaweha woone nivaka ni muno wa maaddi nndde ddaari omuruni wawo ddaarimi ddiri wenko.

Genesis 32:10

Miyaano ngiphwanenlle waakhella echikondi yoohisintheya ni echikhulupililo yoororomelleya mukoonihalleenyu mi oorumeyellaanyu. Kamullapuwalle Yordani kihinna erive ello koma kaarina ekopove koma vano kinahokollowa ni milloko miillinndda.

2 Samuele 19:29

Mwenoolle aallota wi, “Kohiiwa ohinoonjereravottho mawu mamodda. Miyaano kinapaalla wi weyaano ni Ziba mukawane eyuuma ya Saulo.”

2 Samuele 14:17

Sika mi mullupa muttekwaanyu aamutthiyana mawaanyu Apwiya eneerokivullusa vawi nyuwaano muri wonanko mungelo a Mulluku voodduwellani ddaphaama ni ddoonanara. Apwiya Mullukwaanyu akhalle ni nyuwaano.”

2 Samuele 14:20

Oorumeyellaanyu Yowabu eerille ddenndda wi awooniheni embali emodda ya ddookatamihanndda. Koma nyuwaano apwiyaaka mookhalla ni ezeru wonanko mungelo a Mulluku nave munnadduwella ddeko ddittheddene dda mu ellapweella.”

2 Samuele 15:26

Koma yaahihakallallana miyaano, yeere eyo enaaddivelle.”

2 Samuele 16:3

Vano mwenooyo aakoha wi, “Ethiyo mwaana a apwiiyo ahanlle wuuwi?” Ziba ahaakhulla wi, “Ahanlle o Yerusalemu vawi anallota wi, ‘Vano Aisraele aakihokollosella omwene wa attiitthaaka.’ ”