2 Samuele 19:27 - Mawu a Mulluku

²⁷ Koma olliyooyo aakilleka miyaano kaporwaanyu dda nyu apwiyaaka amwene. Nave nyuwaano muri wonanko mungelo a Mulluku. Vano mweere eyo enaawuuddivelleni.

2 Samuele 19:27 ပူးပေါင်းရင်းမြစ်များ

2 Samuele 14:20

Oorumeyellaanyu Yowabu eerille ddenndda wi awooniheni embali emodda ya ddookatamihanndda. Koma nyuwaano apwiyaaka mookhalla ni ezeru wonanko mungelo a Mulluku nave munnadduwella ddeko ddittheddene dda mu ellapweella.”

2 Samuele 14:17

Sika mi mullupa muttekwaanyu aamutthiyana mawaanyu Apwiya eneerokivullusa vawi nyuwaano muri wonanko mungelo a Mulluku voodduwellani ddaphaama ni ddoonanara. Apwiya Mullukwaanyu akhalle ni nyuwaano.”

2 Samuele 16:3

Vano mwenooyo aakoha wi, “Ethiyo mwaana a apwiiyo ahanlle wuuwi?” Ziba ahaakhulla wi, “Ahanlle o Yerusalemu vawi anallota wi, ‘Vano Aisraele aakihokollosella omwene wa attiitthaaka.’ ”

1 Samuele 29:9

Akishi aamwaakhulla Davide wi, “Koodduwella wi weyaano tti aphaama wonanko mungelo a Mulluku. Koma mamwene mamodda a Afilisti ellotille wi weyaano ohithaanane ni hiyaano okhotoni.

Yeremiya 9:4

Arive muthu achenjere ni mukhwaaye, ahimuroromelle naari mbalaaye. Ddawoona, arive muthu annamulleka mbalaaye, annamullota mukhwaaye.

Masalimo 101:5

Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

Masalimo 15:3

Tti oyo ahinatetemura aallotaka, oyo ahinaweerella akhwaaye ddoonanara, oyo ahinamullota miseche mukhwaaye.

Eksodo 20:16

“Ohivelleelle omboni woomootthera mukhwaawo.

2 Samuele 16:4

Mwenooyo aamulleella Ziba wi, “Ddittheddene ddaari dda Mefibosheti vano tti ddaawo.” Ziba aallota wi, “Kinimuuvekani Apwiyaaka mwene, erive enthawi mukeerelleke echifundo.”

2 Samuele 19:17

Olliyooyo aari ni athu 1,000 o Benjamini. Ziba oorumeyella a nibanja na Sauloolle ni anaaye aallopwana khumi ni atthanu owaakattho allupa muttekwaaye 20, yaathamakella o Yordani, yaphiyawo mwene ahinaphiye.

2 Samuele 9:3

Vano mwenooyo aamukoha wi, “Ethiyo ookhallavo oyo ahanlle ovenyera mu nibanja na Saulo? Kinapaalla wi kimweerelle echifundo moollikana ni mmo kalonjezelleemi wa Mulluku.” Ziba ahaakhulla wi, “Ookhallawo mwaana aamullopwana a Yonatani. Olliyoolla tti ookhwa meto.”

2 Samuele 9:13

Sika Mefiboshetooyo akhalla o Yerusalemu vawi aanacha mu enyumba ya mwene mallapo mattheene. Koma aari oorakalla manyallo meelliine.