2 Samuele 19:26 - Mawu a Mulluku

²⁶ Mefibosheti aamwaakhulla wi, “Mi apwiyaaka amwene, akilakwihalle tti mullupa muttekwaaka. Miyaano kaporwaanyu kaamulleella phaama ddene mullupa muttekooyo wi, ‘Okihiyere esaduro va bulwaaka wi kimuwelle kaathwareke amwene’ vawi valle miyaano kaporwaanyu kiri oorakalla.

2 Samuele 19:26 ပူးပေါင်းရင်းမြစ်များ

2 Samuele 9:3

Vano mwenooyo aamukoha wi, “Ethiyo ookhallavo oyo ahanlle ovenyera mu nibanja na Saulo? Kinapaalla wi kimweerelle echifundo moollikana ni mmo kalonjezelleemi wa Mulluku.” Ziba ahaakhulla wi, “Ookhallawo mwaana aamullopwana a Yonatani. Olliyoolla tti ookhwa meto.”

2 Samuele 4:4

Vano Yonatani, mwaana a Saulo, aakhalla ni mwanaye ookhwa meto nnddina naye Mefibosheti. Epilli ya okhwa wa Saulo ni Yonatani yiiweyiiwa o Yezireele, mwaanoolla aari ari ni miyakha mitthanu. Muthu oyo amullella mwaanooyo iiwalle dda okhwanko aamukusa athawana. Voothawani mwawaakuva, mwaanoolle aamuvulluwa, amorella vatthi, aphoreya. Orakalla waye wavenyenre vaavo.

2 Samuele 19:17

Olliyooyo aari ni athu 1,000 o Benjamini. Ziba oorumeyella a nibanja na Sauloolle ni anaaye aallopwana khumi ni atthanu owaakattho allupa muttekwaaye 20, yaathamakella o Yordani, yaphiyawo mwene ahinaphiye.