2 Samuele 19:24 - Mawu a Mulluku

²⁴ Vano Mefibosheti, edduullu ya Saulo, aaya akumana ni mwene. Khaasuusullalle meto, khaachemille ereru, khaachapille ddoowara ddaye waambeella nllapo nno mwenooyo akhumalleeye mu Yerusalemu, ophiyera nllapo nno ahokollowilleeye mwamurendelle.

2 Samuele 19:24 ပူးပေါင်းရင်းမြစ်များ

Aheberi 13:3

Muwuupuwelleke ayo eri mundende wonanko nyuwaano murittho wenko. Muwuupuwelleke ayo enahoosiwa wonanko nyuwaanottho munahoosiwella nimodda.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Mateyu 6:16

“Nave mwaahallaka ocha,* muhinoonihaka ekhove yookhupanya wonanko mmo eneerella awootthaayo. Alliwa ennananariha ekhove ddiwa wi arive muthu oone wi enimahalla ocha. Ddawoona, kinimuulleellani wi yaallathi aathuviwa khalle.

Yeremiya 41:5

waaphiya athu khumi ni atthanu oovenyera o Shekemu, o Shilo ni o Samariya. Ereru ddiwa yaachema, ddoowara ddiwa ddaari ddawaahuwa nave miilli ddiwa ddaari ddooremeyaremeya. Yakusalle mikutho dda ddoocha ni lubani* wi yavelleelle o enyumba ya Apwiya.

Yesaya 15:2

Athu a o Diboni enawella enyumba ya milluku ddiwa ni mapurwiiwa oollapellamo yinllaka. Athu a o Mowabu eninllella muzinda wa Nebo ni wa Medeba. Orive muru woochemiwa mpala, ereru ddittheddene ddoochemiwa.

2 Samuele 16:3

Vano mwenooyo aakoha wi, “Ethiyo mwaana a apwiiyo ahanlle wuuwi?” Ziba ahaakhulla wi, “Ahanlle o Yerusalemu vawi anallota wi, ‘Vano Aisraele aakihokollosella omwene wa attiitthaaka.’ ”

2 Samuele 15:30

Davide aawella mwaango wa olivi, inllaka, ahiwanre esapato koma iikhunenlle omuruni. Athu attheene aariiyena yahiikhuneellattho omuruni enawella mwaango, yinllaka.

Eksodo 19:10

Apwiya yaamulleella Mose wi, “Khawe wa athwaayo waalleelle wi eddeellihe ollello ni osiisello. Echape ddoowara ddiwa,

2 Samuele 9:11

Vano aamulleella wi, “Mi oorumeyellaanyu, kineereweera ddittheddene moothwarana ni nnddo nyu apwiyaaka mulamulalleenyu.” Sika Mefibosheti aanacha ni Davide wonanko mmodda a anamwani a mwene.

2 Samuele 12:20

Davide aavenya vanthupini valle, ahapa, iihella makhura nave asintha ddoowara ddaye. Vano aavollowa mu enyumba ya Apwiya allapella. Vatulli viwa aaya owaniwa, iithaniha yoocha. Nave athu ewiillena yoocheelle, olliye aacha.

1 Mamwene 2:8

“Vookhallattho Shimei edduullu ya Gera, Mubenjamini a o Bahurimu oyo akitembelenle ni tembelelo nuullupalli kayeemi o Mahanaimu. Koma awiilleeye wi nikumane va muhinje wa Yordani, kaallupella vamiitthoni va Apwiya wi, ‘We ngiwiipha.’