2 Samuele 19:19 - Mawu a Mulluku

¹⁹ Aamulleella mwenooyo wi, “Apwiya kikhululukelleni, muhinuupuwella yoonanara elle kaweerelleemini va nllaponne nyu apwiyaaka mwakhumenyu mu Yerusalemu mulle. Amwene muhinaddivittha ddenndda vatthi va murima.

2 Samuele 19:19 ပူးပေါင်းရင်းမြစ်များ

1 Samuele 22:15

Ethiyo ella tti enthawi yawaamba okohera wa Apwiya dda olliyoolla? Iyaayi! Nyu amwene muhinallotella erive ello yoonanara wa mi oorumeyellaanyu apaalle wa arive muthu a mu nibanja naattiitthaaka vawi kheyiivo eyo kinadduwelleemi naari vang'ono va mwaha yoolla.”

2 Akorinto 5:19

Sika Mulluku ahaattana ni ellapo yavatthi ettheene oweella mwa Khrisitu nave khaawerengelle machimwiiwa. Nave aaniinya othenga wawi nikhalleke mwawaattana wi niwullalleye.

Mateyu 27:4

Nave aallota wi, “Koochimwa miyaano voomuvelleellani muthu oohichimwa wi iiphiwe!” Yaamwaakhulla wi, “Khaninna mutteko ni ddennddo hiyaano. Oddoonelle weekhaawo.”

Yeremiya 31:34

Va enthawi yeeyo khavikhallattho muthu oomuhuddiha mukhwaaye apaalle mbalaaye wi aadduwelle Apwiya. Vawi attheenaayo, anamwani ni attekweeneene, eneerokidduwella. Kineerokhululukella machimwiiwa nave ngiwa kuupuwellattho. Mi Apwiya koollota.”

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Oollalleya 10:4

Oolamulella uushella murima ohinavenyavo vanipuroni vawo vawi wiithaalla onnavuhellella ddoolakwa dduullupalli.

Masalimo 79:8

Muhinanillaka ekaamba ya machimo a makhollwaahu, neerelleni echifundo mwawaakuva vawi nookitthihiwa wunchichi.

Masalimo 32:2

Oodalisiwa tti oyo Apwiya ehinamweerengelliiwa mullatwaaye, oyo m'murimani mwaye muhiri ddoolleka.

2 Samuele 13:33

Ekaamba ya yeella apwiyaaka amwene muhinahoowa ni maganizo awi aniinyu aallopwana attheene ahiiphiwa. Aminonive sika iiphiwe.”

2 Samuele 13:20

Abishalomu, murokora a Tamarooyo, aamukoha wi, “Ethiyo tti Aminoni aweerenlle ddenndda. Maalla murokoraka, olliyoolle tti murokoriyo, ddenndda ddihiwaapheellihe muru wunchichi.” Sika Tamara akhalla wonanko naamukhwelle o enyumba ya Abishalomu murokoriye.

1 Samuele 26:21

Vano Saulo aallota wi, “Koochimwa. Hokollowa mwanaka Davide vawi ngiweerella erive ello yoonanara vawi okumaaka tti woopaalleya wunchichi wa weyaano. Keerilleeminndda tti ddookarangeya nave koochimwa wunchichi.”

1 Samuele 25:25

Apwiya muhinapwatha nnddo enre mamunaka, muthu oonanara murimoolle. Olliye anaphwanaphwana ni nnddina naye. Vawi nnddina naye ninattaphullella ookarangeya, ddaweera ddaye ddittheddene tti ddookarangeya. Koma miyaano kaporwaanyu ngaawoonille athwaanyu ayo mwaarumalleenyu.

Numeri 12:11

Vano Aroni aamulleella Mose wi, “Apwiyaaka, muhinanillaka ekaamba yawi noochimwa nave noheera ddookarangeya.

2 Samuele 19:18

Vano yahaallapusa attheene a mu nibanja na mwene nave yaheera ddittheddene ddoomuhakallalliha mwenooyo. Vano mwenooyo ariiye vakhuviru ollapuwa muhinje wa Yordani, Shimei mwaana a Gera, ahiivokhella vatthi vamiitthoni va Davide.