2 Samuele 18:18 - Mawu a Mulluku

¹⁸ Abishalomu ari mukumi, ahiimakella ezipilala va ntapo na mwene vawi allota wi, “Mi nginna mwaana aamullopwana oyo anaahallena nnddina naka. Vano echipilaleeyo aayivaha nnddina naye nenno, ophiyera ollello ninadduwenyeya wi apoto a Abishalomu.”

2 Samuele 18:18 ပူးပေါင်းရင်းမြစ်များ

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

2 Samuele 14:27

Abishalomu aakhalla ni anamwani aallopwana araru ni mwaana aamutthiyana mmodda nnddina naye aari Tamara. Olliyoolla aari mutthiyana ooreera.

1 Samuele 15:12

Ohinase, Samuele aavenya wi akumane ni Saulo. Athu yaamulleella wi, “Saulo aaya o Karimele nko imakenlleeye opoto awuupuwelliha, vano ookhwaranyella o Giligala.”

Genesis 14:17

Abramu avenyeraka woomugonjiha Kedori Laomere ni mamwene awiiwanananayaalle, mwene o Sodomu aakhuma wi akumanena o ntapo na Save (apaalle ntapo na Mwene).

Masalimo 109:13

Edduullu ddaye dditthollowe, nnddina niwa nihiiweyettho mu mbado waneepiilli.

Masalimo 49:11

Mahamiiwa sika owaniwa wa enthawi yoohimalla, mapurwiiwa a mibado ddittheddene, naari yavahaka manddiniiwa ellapo ddiwa yaariiwa akumi.

Genesis 11:9

Sika muzindooyo waromolliwa wi Babiloni ekaamba yawi wenko Apwiya yaavirikaniha ellotello ya athu attheene. Nave ovenyera wenko yahaamwara athwaayo va ellapo yavatthi ettheene.

Genesis 11:4

Vano yaallota wi, “Hankoni niimakelle weekhiihu muzinda ni nttattha noorekama ophiyera oddullu. Neera ddiiddo nineerovuwa wunchichi nave khanimwareyattho va ellapo yavatthi.”

Yeremiya 22:30

Apwiya enallota wi, “Mulembeni muthoolla wonanko oohikhalla ni anamwani, oyo ahinaphure ello va okumaaye. Vawi khaavo naari mmodda mwa edduullu ddaye oyo anaakhalle va mpando woomwene wa Davide wi ttuulamulellattho ellapo ya Yuda.”

Numeri 32:42

Noba aaya aakha muzinda wa Kenati ni mizi ddiwa nave awuvaha nnddina nawi Noba moollikana ni nnddina naye.

Yesaya 22:16

“Ethiyo eneerawo tini wuno? Ollipalle murima mwawiidde va wiikatella mahame wuno wiikatella mahame vamwaangoni ni wiisemella moovumellamo m'mallukuni?