2 Samuele 18:17 - Mawu a Mulluku

¹⁷ Nave akhotwaayo yaakusa mutembo wa Abishalomu ewutathillella munllitini nuullupalli, muutthakoni. Yuukellavo malluku manchichi vanllitini mvo. Aisraele attheene yaathawa, arive muthu athawella owaniwa.

2 Samuele 18:17 ပူးပေါင်းရင်းမြစ်များ

Yoswa 8:29

Mwene a m'muzindanimmo yaamutthomeya vamuteekhoni emuhiya vaavo ophiyera misikuwa. Nndduwa nivollowaka Yoswa aalamula wi yakitthihe mutembooyo nave yeerille ddiiddo yaawutathillella vatthi va mullako va muzindooyo. Vaddullu va mutembooyo yahuukellavo malluku. Mallukwaayo aakhallavove ophiyera ollello.

Yoswa 7:26

Yahuukella malluku manchichi va olliyooyo nave mallukwaayo aakhallawo ophiyera ollello. Apwiya yaarukunuwa ehiya osha murima wuullupalli. Sika ekaambiiwa ntapo nenna ophiyera ollello ninaromolliwiiwa wi ntapo na Akori.

Miyambo 10:7

Oolungama annadala vawuupuwelliwani koma nnddina na oonanara nineerewunta.

2 Samuele 20:22

Mutthiyanooyo mwa ezeru ddaye aaya wa athu aatthopoollella mwahoolla. Sika athwaayo yaaphadda muru wa Sheba, mwaana a Bikiri, emuvokhella Yowabu. Vano Yowabu ahoopa nipallapata nave akhotwaaye attheene yaavenyawo o etawoninko arive muthu anaya owaniwa nave Yowabu aahokollweella o Yerusalemu wa Davide.

2 Samuele 20:1

Vano waakhalla muthu oohitthopoowa, nnddina naye Sheba, mwaana a Bikiri a nlloko na Benjamini. Olliye nllapo nimodda ahoopa nipallapata allota wi, “Hi khaninna echigawo mu omwene wa Davide, khaniinnattho yoohallana mu omwene wa Yese! Nyu Aisraele, arive muthu ayeeke o enyumbaaye.”

2 Samuele 19:8

Mwenooyo iiwalle ddenndda aatimulla, akeraatthi vakhuviru ni va mullako wa muzindooyo. Sika akhotwaayo yiiwalle wi mwenooyo ari vakhuviru ni mullako wa muzindooyo, yaatthukumana vamiitthoni vaye. Enthawi yeeyo Aisraele yaari ethawille, arive muthu ayiille owaniwa.

Yoswa 10:27

Nndduwa nivollowaka, Yoswa aalamula wi ekitthihiwe vamiteekhonimvo nave wi yaavokhella munikhunguni yiipitthalliiwa mulle. Vano va mullako wa nikhungunno yawallevo ni malluku muullupalli nave aakhallavo ophiyera ollello.

Deuteronomo 21:20

Makhollwaaye yaalleelle attekweenaayo wi, ‘Mwanihu tti oohiiwellella ni oowukila nave khaniiwellelle ddoollota ddahu navettho tti amillilli ni oolezela.’

Deuteronomo 21:21

Vano athu a m'muzindanimmo emwiiphe voomuvokhani malluku nave mwawi ddiidda muneerovenyihavo yoonanara variyari vanyu. Aisraele attheene eneerewiiwa ddenndda nave eneerewoova.”

1 Samuele 4:10

Afilistaalle yaawana ekhoto moollipa nave yahaagonjiha Aisraelaalle ophiyera amodda yaathawella owaniwa, akhoto ookwakhwana 30,000 a Aisraele yahiiphiwa.

2 Mamwene 8:21

Vano Yehoramu aaya o Zairi ni magaretaaye attheene akhoto. Aatimulla mahiiyu aya aahella ekhoto Aedomu ayo yamwaaphenlle olliye vamodda ni oohoollella a magaretaaye. Akhotwaaye attheene yaathawella owaniwa.

2 Mamwene 14:12

Yuda aagonjihiwa ni Israele nave arive akhoto aathawella owaniwa.

2 Samuele 19:5

Vano Yowabu aavollowa mpa mwa mwenooyo, amuphwanya mwenooyo allota wi, “Ollello mohaawulliha muru akhotwaanyu attheene ayo evullusalle okumaanyu ni okumi wa aniinyu aallopwana ni aatthiyana, owaakattho okumi wa awarinyu ni okumi wa awarinyu ang'onong'ono.

2 Samuele 19:9

Vano athu attheene a malloko a Aisraele yaanakangana weekhiiwa. Yallota wi, “Mwene Davide aanivullusa wa adanaahu nave aanoopolla wa Afilisti. Koma vano ookhuma mwiillaponimmu, omuthawa Abishalomu.