2 Samuele 17:9 - Mawu a Mulluku

⁹ Ngoonani, vano eniipittha munllitini nimodda apaalle nipuro nimodda. Sika akhotwaanyu amodda yiiphiwe vawaamba vene, arive muthu anaawiiwe aneerollota wi, ‘Athu attheene ayo yaari otulli wa Abishalomu ahiiphiwa.’

2 Samuele 17:9 ပူးပေါင်းရင်းမြစ်များ

1 Samuele 24:3

Yaaphiya omakhollani a enkhosa museresere mwa musewu mvo vaari nikhungu. Saulo aavollowa onikhunguninko wi iimellelle. Davide ni athwaaye yaari yiipitthalle muwariwari mwa nikhungunno.

1 Samuele 22:1

Davide aathawawo o Gati, iipittha onikhunguni na Adulamu. Asinne ni attheene a mu nibanja na attiitthinnya, yaaya nko waari Davide.

Yoswa 8:6

Eneeroniikariha mwawi ddiidda ophiyera noonille wi aarekamella ni muzindooyo nave alliwaayo eneerekollota wi, ‘Enimathawa wonanko khalle valle.’

Yoswa 7:5

Athu o Ai yaawiikariha Aisraele ovenyera vamullakoni va muzindooyo ophiya o Shebarimu. Aisraele 36 yahiiphiwa vookitthella mwaango, sika Aisraele attheene yaatathilla murima nave yahoova wunchichi.

2 Samuele 17:8

Hushai aallotattho wi, “Munnadduwella wi attiitthaanyu tti amasiva, athwiiwattho tti amasiva nave wi attheene murimiiwa onavoreya wonanko ezimbalangondo ddaakhiwe asaaniiwa muchipululuni. Woonjerera vaavo attiitthaanyu tti akhoto. Kheni ekhalle ni akhotwiiwa mahiiyu mattheene.

2 Samuele 17:10

Vano naari muthu oollipa murima wonanko mukango, enama yoohoova, aneerewoova. Vallethi Aisraele attheene ennadduwella wi attiitthaanyu tti muthu amasiva nave wi athu ariiyenaayo tti oollipa murima.”

Yeremiya 41:9

Ehime eyo Ishmaele aatathillelleeyemo athu awiiphalleeyaalle yaari ehime yuullupalli akante mwene Asa oopopihiwe ni Baasha mwene a o Israele. Ishmaele mwaana a Netaniya aayiddalliha ni mitembo.

1 Samuele 23:22

Khaweni moonesese nave mwaashaashe mvo ariiyevo ni omudduwella muthu oyo amoonille. Vawi kohiiwa wi tti oochenjeresesa.