2 Samuele 17:8 - Mawu a Mulluku

⁸ Hushai aallotattho wi, “Munnadduwella wi attiitthaanyu tti amasiva, athwiiwattho tti amasiva nave wi attheene murimiiwa onavoreya wonanko ezimbalangondo ddaakhiwe asaaniiwa muchipululuni. Woonjerera vaavo attiitthaanyu tti akhoto. Kheni ekhalle ni akhotwiiwa mahiiyu mattheene.

2 Samuele 17:8 ပူးပေါင်းရင်းမြစ်များ

Hoseya 13:8

Kineerewaaphara wonanko echimbalangondo yawaakhiwa aniiwa, kineerewinttaka epararu ddiwa, kineerewaaparulla mowaashella murima wonanko mukango nave kineerewaakhaddulla wonanko enama yawoopiha.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

Daniele 7:5

Vano yookumi yaneepiilli yaakhumellella yawooneya wonanko echimbalangondo. Yaari yootukhuwa embali emodda, muwano mwiwa mwaakhalla epararu variyari va miino. Nave yaayilamula wi, “Venya, ttakhuna enama yinchichi!”

Miyambo 17:12

Tti waphaama okumana ni echimbalangondo yaakhiwe musaaniiwa okhwaranya ni muthu ookarangeya aneera ddoolloddowa.

Miyambo 28:15

Wonanko mukango woothuruma ni echimbalangondo enapaalla ophara enama emoddamoddave yeeyo mwene oonanara annaalamulella oohoowa.

2 Mamwene 2:24

Vano Elisha aarukunuwa nave awoonille asombwaayo, ahaatembelela mu nnddina na Apwiya. Nave vaakhumellella ezimbalangondo piilli ddeetthiyana ovenyera ohakani ddiwiipha asombwe 42.

2 Samuele 23:18

Vano Abishai, mwanamunne a Yowabu, mwaana a Zeruya, sika aari owaahoollella athu 30. Vano aawiipha athu 300 ni nivaka naye nave aavuwa wonanko athu ararwaalle.

2 Samuele 23:16

Vano athu araru amasivaalle yaakhwaranya misasa dda Afilisti nave yaarika maaddi veehimeni ya Betelehemu eyo yaari vakhuviru ni va mullako valle. Nave yaakusa maaddaayo ewaana wa Davide. Koma Davide khaawiryalle maaddaayo, aawiithella muthaani wonanko yoovelleella wa Apwiya.

2 Samuele 15:18

Davide ahiimella anawoona athu akhoto ayo aariiyena eviraka vamiitthoni vaye nave oomuweheraaye, Akereti ni Apeleti, owaakattho Agiti 600 ayo yamuthwanre ovenyera o Gati, yaanavira vamiitthoni vaye.

1 Samuele 23:23

Vano moonesese mapuro mattheene aniipittheeyemo nave muwettho wuno ni okilleella ddawoona ddiwa. Vano kineerewuuthwarani nave akhalla wenko kineeromwaashaasha variyari va athu attheene ellapo ettheene ya Yuda.”

1 Samuele 17:50

Vano Davide aamugonjiha Goliyatooyo ni nlluku na mu yoovokhella nlluku, amwiipha Mufilistooyo ahinna nsupada m'mattani mwaye.

Oweeruza 18:25

Athu a nlloko na Danaalle yahaakhulla wi, “Ohinavirellella otokollolla, mwaamodda athwaalla ttuusha murima nave ttuuwuukutha, sika we ni nibanja nawo nittheene muneerewiiphiwa.”

2 Samuele 17:9

Ngoonani, vano eniipittha munllitini nimodda apaalle nipuro nimodda. Sika akhotwaanyu amodda yiiphiwe vawaamba vene, arive muthu anaawiiwe aneerollota wi, ‘Athu attheene ayo yaari otulli wa Abishalomu ahiiphiwa.’

Ezekiele 19:2

‘Amaayo yaari wonanko mukango waamutthiyana variyari va anankhoro a mikango. Waanakona variyari va anankhoro a mikango waallellaka aniiwa.