2 Samuele 17:2 - Mawu a Mulluku

² Vano kineerooya kawanena atopille nave atathillalle murima. Nave kineeromoopopiha. Athu attheene ayo ariiyena eneerothawa. Miyaano kineeromwiipha mweneve yooyo.

2 Samuele 17:2 ပူးပေါင်းရင်းမြစ်များ

1 Mamwene 22:31

Vano mwene a o Siriya ahaalamula oohoollella akhoto 32 a va magareta wi ehiwane ekhoto ni arive muthu, mung'onong'ono apaalle muullupalli koma ni mweneve a o Israele.

2 Samuele 16:14

Vano ni athu attheene ayo aariiyena, yaaphiya o Yordani eri ootopa wunchichi nave yahiithuuwa wenko.

Yohane 11:50

Khamunoona wi tti waphaama wa nyuwaano wi muthu mmodda akhwe munipuroni na athu attheene ohiyana wi mutundu muttheene woonongeye.”

Mateyu 26:31

Vano Yesu aallota wi, “Nyu attheene muneerothawa okihiya meekhaaka mahiiyu yaalla vawi woolembiwa wi, ‘Mukakathe mbusa nave enkhosa dda mulloko ddineeropallalleya.’

Zekariya 13:7

Apwiya Amasiva Mattheene enallota wi, “We nsupada, venya, muwukile mbusaaka, mukhwaaka a vamurimani. Mukakathe mbusa nave enkhosa dda mulloko ddineeropallalleya. Kineeroddikakatha vamodda ni dding'onong'ono ddene.

Mateyu 21:38

Koma oollimaayo yamoonilliiwa yaalleellana wi, ‘Olla sika mwanaye aamullopwana anaahallena eyuumeella, hankoni nimwiiphe wi eyuumeella ekhalle yaahu.’

Deuteronomo 25:18

Alliwa yahuuhellani ekhoto va ettilla, vaavo nyuwaano mutopille wunchichi. Nave yaawiipha akhwiinyu attheene ayo yeeta moohaakuva vawuuthwarani mutulli vawi Aamaleke kheyaamooville Mulluku.

2 Samuele 17:1

Ahitofele aamulleella Abishalomu wi, “Mukaakhullelle wi kaatthoolle athu 12,000, kitimullena wi kimuthamakelle Davide mahiiyu vaava.

Nehemiya 4:5

Muhaakhululukelle ddoolakwa ddiwa nave muhivuhellelle machimwiiwa vawi yoottatthamulla owallaanyu vamiitthoni va athu eeruso yoomaka.”