2 Samuele 17:17 - Mawu a Mulluku

¹⁷ Vano Yonatani ni Ahimaazi yaanatiyera va muhinje wa Enirogele vakhuviru ni Yerusalemu. Mullupa mutteko aamutthiyana sika aalleella ddeko nave alliwaayo enaya yamulleellaka Davide vawi kheyaapaalla wooniwa evollowaka mu muzinda wa Yerusalemu.

2 Samuele 17:17 ပူးပေါင်းရင်းမြစ်များ

2 Samuele 15:36

Ahimaazi mwaana a Zadoki navettho Yonatani mwaana a Abiyatara, naalliwanittho eri wenko. Nave oweella mwa alliwaayo oneerokilleella nnddo onaawiweewe.”

2 Samuele 15:27

Vano mwenooyo aamulleella Zadoki, mullupa mukuthoolle wi, “Hokollweella omuzindani mwamurendelle, weyaano ni Abiyatara ni aniinyu eelli, mwanawo Ahimaazi ni Yonatani mwaana a Abiyatara.

Yoswa 18:16

Yaakitthella vakomenlle mwaango wa vahoollo va ntapo na Mwaana a Hinomu, sika wi ntapo na Refaimu ompoto ekitthella o ntapo na Mwaana a Hinomu, omwera wa Ayebusi, ekitthella o Enirogele.

Yoswa 15:7

Nave maliraayo yaawellattho o ntapo na Akori yaphiya o Debiri yaphiyattho ompoto ekhoromanella o Giligala moowehana ni mutunda wa Adumimu embali ya omwera wa ntapo. Vano yaakhwaranyellattho o aneetuutu a Eneshimeshi, yakhumellella o Enirogele,

1 Mamwene 1:9

Nllapo nimodda Adoniya aavelleella mukutho wa enkhosa, eng'ombe ni asaanaang'ombe ooneneva va Nlluku na Enowa nno niri vakhuviru ni Neetuutu a Enirogele. Aawiithana asinne attheene sika anamwani attheene a mwene ni enduna dda Davide ddoovenyera o Yuda

1 Mamwene 1:42

Ahinamallihe ollota, Yonatani mwaana a Abiyatara aakhumellella. Adoniya aamulleella wi, “Vollowa, kaambiiwa we tti muthu aphaama apaalle onawa ni othenga waphaama.”

2 Samuele 15:35

Ethiyo Zadoki ni Abiyatara, khehiyo allupa mukutho oriiwena wenko? Nave oweella mwa yaayo oneerokilleella ddittheddene onaawiwekeewe.