2 Samuele 17:14 - Mawu a Mulluku

¹⁴ Yiiwalliiwa ddenndda Abishalomu ni Aisraele attheene yaallota wi, “Malangizo aphaama tti alla a Hushai Mwarikoolla woohikhalla a Ahitofelaalle.” Ddaari ddiiddo kaambiiwa Apwiya sika yeerihalle wi malangizo aphaama a Ahitofele ekukureye, ddeko ddihimweetelle phaama Abishalomu.

2 Samuele 17:14 ပူးပေါင်းရင်းမြစ်များ

2 Samuele 15:34

Koma weyaano ohokollweelle omuzindani wamulleelle Abishalomu wi, ‘Nyu mwene, mi kinaakhalle oorumeyellaanyu. Valle khalle kaari oowaarumeyella aattiitthaanyu, emoddamoddave yeeyo vano kinaakhalle oorumeyellaanyu.’ Koma wavaanyiheke erive malangizo ayo Ahitofele anaavelleellekeeye.

Yesaya 8:10

Naari mwiiwanane koma mwiiwananooyo khophura ello. Mupanganelle ddaweera komave khaddiworeya vawi Mulluku ari ni hiyaano.

Miyambo 21:30

Khaviri ezeru wiiwesesa apaalle malangizo owaapambana Apwiya.

Miyambo 19:21

M'murimani mwa muthu ttuukhalla ddooganiza ddinchichi koma yoolinga ya Apwiya sika onaakwakhwanihiwe.

2 Samuele 15:31

Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

Luka 16:8

“Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Maliro 3:37

Ttaani anaawore olamula wi ddawi yooriyoori ddeereye, yaarimi Apwiya ehaakhullenlle ddennddo?

2 Samuele 16:23

Vano mallapo yaayo, malangizo ayo yavelleelliiwa ni Ahitofele yaari wonanko mawu oovenyera wa Mulluku. Sika malangizo mattheene yavelleelliiwa ni Ahitofele yaanathwariwa ni Davide ni Abishalomweene.

Genesis 32:28

Muthooyo aallota wi, “Nnddina nawo khanikhallattho Yakobo. Vawi woollipana ni Mulluku vamoddattho ni athu nave woopambana, sika nnddina nawo ninaakhalle Israele.”

Amosi 9:3

Naari yiipitthe vaddullu va mwaango wa Karimele, kineerowaashaasha nave kineerewaaphara. Naari yiipitthe vatthi va enyanja yoowallamella kineerolamula enowa wi yaallume.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

2 Epilli 25:20

Koma Amaziya khaaddipwathille ddenndda vawi tti Mulluku apaallille wi aavelleelle athwaayo m'mattani mwa adaniiwa ekaamba yawi yallapella milluku dda Edomu.

2 Epilli 25:16

Alloteeye ddennddo mwene aamukoha wi, “Ethiyo we nahuutthoolla wi okhalle oomulangiza mwene? Maalleya! Kaambiiwa tini onapaalleewe wiiphiwa?” Nave namallotellooyo aamaalleya wa enthawi yooyeva nave aallota wi, “Koodduwella wi Mulluku ookhozeka wi awoonongeni ekaamba moheera ddenndda navettho khemwawiiwellelle malangizwaaka.”

Deuteronomo 2:30

Koma mwene Sihoni olliyeve khaanaakhullenlle wi nivirelle mwiillaponi mwaye. Apwiya Mullukwaanyu yaamummiha nikohi nave amuvaha murima wawumma wi amuvelleelle m'mattani mwahu wonanko munoonellaanyu ollellova.

Eksodo 9:16

Koma kohuusungani ni okumi wi koonihe masivaaka ni ovuwiha epillaaka mu ellapo yavatthi ettheene.

2 Epilli 10:8

Koma ahaakhoota malangizo avahiweeye ni attekweene. Nave aaya wa asombwe akhwaaye ayo unnuwalleeyena nimodda, alangizaaye ni oomurumeyella.

Nehemiya 4:15

Adanaahu yoonilliiwa wi naadduwella nave wi Mulluku aalepheliha echiwembu yakhozilliiweeyo, attheene naahokollweella omuttekoni woomakattho mpanda, arive muthu omuttekoni waye.

Masalimo 9:15

Athu a mitundu ddimodda aamorella mu nlliti nno yakatilliiwa weekhiiwa. Nnyallo niwa nohaanga mu nthavi nawiipittheya nno yareyilliiwa weekhiiwa.

Yoswa 11:20

Apwiya yaawummiha murima alliwaayo wi ellipane ni Aisraele wi vaweerani ddiiddo yoonongeye attheene. Nave wi yiiphiwe mooheerelliwa echifundo koma ewoononge moollikana ni mmo Apwiya yamulamulalliiwa Mose.

2 Epilli 10:15

Sika mwene khaakhullenlle oveka wa athwaalle vawi Apwiya sika yakhozille khalle wi ddeereye nnddo yallotilliiwa ni Yerobowamu mwaana a Nebati oweella mwa namallotella Ahiya Mushilo.

Yobu 12:17

Annaddaakha ezeru enduna, annaakarangeyiha aweeruza.