2 Samuele 17:11 - Mawu a Mulluku

¹¹ “Mi malangizo kiriimina tti awi, Aisraele attheene etthukumane wa nyuwaano wuno, waambeella o Dani ophiya o Beeresheba, ekhalle awaata wonanko mihava dda mu enyanja. Nave nyuwaano nyookhaanyu mwaakuse muyeena okhotoni.

2 Samuele 17:11 ပူးပေါင်းရင်းမြစ်များ

Genesis 22:17

kineerewuudalisa wunchichi ni wuuvaha edduullu ddinchichi wonanko etheneeri dda oddullu navettho wonanko mihava dda mukhwipi mwa enyanja. Edduullu ddawo ddineerewaagonjiha adaniiwa attheene.

Masalimo 9:16

Apwiya aadduupullulla weekhiiwa vaweeruzani moolungama. Athu oonanara aamakiwa mu musampha wooreya weekhiiwa.

Oweeruza 20:1

Aisraele attheene yaatimulla waambeella o Dani ophiya o Beeresheba, owaakattho ellapo ya Giliyadi nave yaatthukumana vamiitthoni va Apwiya o Mizipa.

Yoswa 11:4

Mamwenaayo yaawa ni akhotwiiwa attheene nave waata wiwa wa akhotwaayo waari wonanko mihava dda mukhwipi mwa enyanja. Yaakhalla ni akavalo ni magareta manchichi.

1 Mamwene 20:10

Benihadadi aarumihattho mawu wa Ahabu wi, “Kineeroowa ni athwaaka anchichi wi koononge muzindaawo ni owutthattusa nthupi. Milluku ddikillake kaaheera ddenndda.”

1 Mamwene 4:20

Athu a o Yuda ni a o Israele yaari anchichi, ooheerengeya wonanko mihava dda mukhwipi mwa enyanja. Yaanacha ni owirya navettho yaanahakallalla.

2 Samuele 24:2

Sika Davide aamulleella Yowabu ni oolamulella ekhoto ayo aariiyena vamodda wi, “Khaweni omallokoni mattheene a Aisraele mwaweerenge Aisraele ovenyera o Beeresheba ophiya o Dani wi kidduwelle echiwerengerwiiwa.”

2 Samuele 12:28

Vano nyuwaano mwaatthukumanihe akhoto oohallaayo, muwe muwaapheelle muzindoolla ni misasa dda akhoto wi muwaakhe, woova wi miyaano kaakha muzindooyo, onaaromolliweke ni nnddina naka.”

Genesis 13:16

Kineerewuuvaha edduullu ddinchichi nave khaavo naari mmodda anaawore oddeerenga. Yooyove anawora weerenga nthupi na va ellapo yavatthi sika anaawore.”

Genesis 21:14

Sika osaka wene, ohinase, Abrahamu aamuvaha Hagara yoocha ni nthumba na nttapara na maaddi. Vatulli viwa aamutukhulla mwaanooyo amuyaariha Hagara, enre ddiiddo aamulleella wi aroweke. Sika Hagara aatimulla ddawoona, aneeteeta mu echipululu ya Beeresheba.

1 Samuele 3:20

Aisraele attheene ovenyera o Dani ophiya o Beeresheba yaadduwella wi Apwiya yaamutthoolla Samuele wi akhalle namallotella.

1 Samuele 13:5

Vano Afilisti yaatthukumana wi ewaneke ni Aisraele. Yahaatthukumaniha magareta akhoto 30,000, oowella va akavalo 6,000 ni akhoto awaata wonanko mihava dda mukhwipi mwa enyanja. Yaaya yamakaka misasa ddiwa o Mikimashi, wookhuma nndduwa wa Betaveni.

2 Samuele 3:10

Kineerotthaamiha omwene m'mattani mwa Saulo ni edduullu ddaye nave kineerowukeraatthiha wa Davide wi aalamulelle Aisraele ni Ayuda attheene ovenyera o Dani, omwera, ophiya o Beeresheba, ompoto.”