2 Samuele 17:10 - Mawu a Mulluku

¹⁰ Vano naari muthu oollipa murima wonanko mukango, enama yoohoova, aneerewoova. Vallethi Aisraele attheene ennadduwella wi attiitthaanyu tti muthu amasiva nave wi athu ariiyenaayo tti oollipa murima.”

2 Samuele 17:10 ပူးပေါင်းရင်းမြစ်များ

Aheberi 11:34

Amodda yaathiimiha munllo woowalli, amodda yaavulluwa wowiiphiwa ni masupada, yaari oofooka koma yaavahiwa masiva, yaari oollipa okhotoni nave yaawiikariha akhoto eelleto.

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Yesaya 13:7

Sika matta mattheene eneerofooka nave murima wa arive muthu oneerotthomowamo.

Nchipo na Solomoni 3:7

Ngoona, ayo tti machira a Solomoni! Vookhalla akhoto 60, allopwana amasiva a o Israele.

Miyambo 28:1

Muthu oonanara annathawa ahiivo anawiikariha koma oolungama annallipa murima wonanko mukango.

2 Samuele 23:20

Nave Benaya, mwaana a Yehoyada, a o Kabizeele aari muthu oollipa murima nave aphara mitteko dduullupalli. Olliye aawiipha akhoto eelli oovuwa a o Mowabu nave ahiipha mukango mu nlliti enthawi yooriirya.

2 Samuele 1:23

“Saulo ni Yonatani yaari ookondiwa ni oohakallalliha, okumiiwa muttheene kheyaamwallana nave yakhwiiwa yaari attheene. Yaari awaakuva okhwaranya epallame yampungu, amasiva okhwaranya mikango.”

1 Samuele 18:17

Nllapo nimodda Saulo aamulleella Davide wi, “Waakirumeyellaka miyaano voowanani ekhoto ya Apwiya moollipihella, kineerowinnya Merabi, mwanaka awaamba wi omutthelle.” Saulo aganiza wi, “Kihimwiiphe Davide meekhaami koma iiphiwe ni Afilisti.”

Deuteronomo 1:28

Ethiyo ninaaphwanye ellapo yawiidde wenko? Abalaahu naarumalleehwaalle yaaniriiryiha mwiilli wi athwaayo tti amasiva ni oorekama onikhwaranya hiyaano. Eniwattho mizinda ddiwa tti dduullupalli, dda mipanda ddoorekama. Navettho eniwa wenko yaawoonawo athu uullupalli ni oorekama, edduullu dda Anaki.’

Eksodo 15:15

Sika vano mamwene a o Edomu aatathilla murima, oohoollella a o Mowabu ahaamba otthukumella, athu attheene enakhalla o Kanani aakukhumuwa.

Genesis 49:9

Yuda ari wonanko mwanamukango, Iipha enamaaye, annahokollweellattho nko aniipittheeye. Annattaphuruwa navettho annakonaatthi vatthi wonanko mukango, Nave khaavo anaallipe murima wi amuvenyihe.

2 Samuele 17:9

Ngoonani, vano eniipittha munllitini nimodda apaalle nipuro nimodda. Sika akhotwaanyu amodda yiiphiwe vawaamba vene, arive muthu anaawiiwe aneerollota wi, ‘Athu attheene ayo yaari otulli wa Abishalomu ahiiphiwa.’

Masalimo 89:19

Khalle mwaallota oweella m'masomphenya wa athwaanyu oororomelleya wi, “Koomuwariha enduwira yoomwene muthu amasiva, koomuwelliha ootthoolliwa variyari va athu.

Ezekiele 21:15

Athwaaka eneerotathilla murima ni omora. Kohaakhozera nsupada noonyezimilla. Nineerosherima wonanko ettari nave koonirumiha o mizinda wi niwiiphe.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”