2 Samuele 16:9 - Mawu a Mulluku

⁹ Abishai, mwaana a Zeruya, aamukoha mwenooyo wi, “Nyu apwiyaaka amwene, kaambiiwa tini munamwaakhullelleenyu olliyoolla muthu oohikhalla ni mutteko wonanko mwanapwa ookhwa wi uuruwanekeni? Mukaakhullelle kamuphadde nikohi.”

2 Samuele 16:9 ပူးပေါင်းရင်းမြစ်များ

Eksodo 22:28

“Ohimullotelleke epewe Mulluku nave ohimutembeleleke muthu oyo anaahoollella athwaawo.

2 Samuele 9:8

Mefibosheti aawarama allota wi, “Ethiyo mi oorumeyellaanyu kiri aani wi mukipwathe mi mwanapwa ookhwa?”

2 Samuele 3:8

Abinere aasha murima wunchichi ni mawu a Ishibosheti nave aallota wi, “Ethiyo mi onakeesa muru wa mwanapwa a Yuda? Waambeella khalle kookhalla oororomelleya wa Saulo attiittho, abalaaye ni akhwaaye. Navettho kohuuteteza wa Davide. Sika ollellova weyaano onaakiipa mullatu wi kookona ni mutthiyana!

1 Samuele 24:14

Ethiyo mwene a Aisraele anamwaasha aani nave nyuwaano munamwiikariha aani? Mwanapwa ookhwa! Apaalle ettotthomwa!

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

Mitteko 23:5

Paulo ahaakhulla wi, “Nyu Ayuda akhwaaka, ngaadduwella wi olliyoolla tti mullupa mukutho muullupalli. Mawu a Mulluku eni, ‘Ohillote ddoonanara dda owaahoollella athwaawo.’ ”

Luka 9:54

Oohudderaaye, Yakobo ni Yohane, yoonilliiwa wi Yesu khaakhelliwe, yaallota wi, “Apwiya, munapaalla wi niithanihe munllo okitthe oovenyera oddullu wi owiiphe athu yaalla?”

2 Samuele 3:30

Sika Yowabu ni mwanamunne Abishai yaamwiipha Abinere kaambiiwa Abinerooyo aari amwiiphalle mwanamunniwa Asahele vakhotoni ya o Gibiyoni.

2 Samuele 19:21

Enthawi yeeyo Abishai mwaana a Zeruya aakoha wi, “Ethiyo Shimeyoolla khiiphiwa vawi aamuruwana oozoziwa* a Apwiya?”

2 Samuele 19:22

Koma Davide aamwaakhulla wi, “Mi kiri ni tini ni nyuwaano anamwani a Zeruya? Ttaani uutthoonlleni wi mukilleelleke ayo yenre ddoonanara? Ollellova, miyaano sika kiri Aisraele nave khaavo mu Israele oyo anaawiiphiwe.”