2 Samuele 16:4 - Mawu a Mulluku

⁴ Mwenooyo aamulleella Ziba wi, “Ddittheddene ddaari dda Mefibosheti vano tti ddaawo.” Ziba aallota wi, “Kinimuuvekani Apwiyaaka mwene, erive enthawi mukeerelleke echifundo.”

2 Samuele 16:4 ပူးပေါင်းရင်းမြစ်များ

Miyambo 18:17

Muthu awaamba osuma annooniha echilungamo ophiyera mukhwaaye aphiyalle ni omuvaanyiha.

Miyambo 18:13

Waakhulla ohinaapelle maaru tti okarangeya ni owulliha muru.

Miyambo 19:2

Khe waphaama opaalla ello ohidduwellaka nave othamaka khe ophiya.

Deuteronomo 19:15

“Mboni mmodda khanakwakhwanella osimikiza wi muthu oolakwa apaalle wi oottatthamulla mullatu. Koma amboni eelli apaalle araru sika enakwakhwanella osimikiza wi muthooyo oolakwa.

Eksodo 23:8

Ohaakhullelle ddamukaphwani vawi nndda ddinnaweeriha athu oweeruza ohoona echilungamo nave sika mullatu onimaakhoromanella athu oohilakwa.

2 Samuele 14:22

Yowabu ahiikuha apopheya ekhovaaye vatthi, amullapella, amuthokoza mwenooyo. Vano aallota wi, “Koodduwella wi nyu apwiyaaka munnakeerella echifundo kaambiiwa mohaakhullella oveka waka.”

2 Samuele 14:4

Mutthiyana a o etawoni ya Tekowoolle aphiyalle wa Davide ahiikuha apopheya ekhovaaye vatthi amullapella mwenooyo nave aallota wi, “Amwene kikavihereni,”

2 Samuele 9:6

Mefibosheti, mwaana a Yonatani, mwaana a Saulo, aphiyalleeye wa Davide, aawarama vamiitthoni va Davide avelleella olemu. Vano Davide aallota wi, “Mefibosheti!” Olliyooyo ahaakhulla wi, “Koowa mi oorumeyellaanyu.”

2 Samuele 9:9

Vano aamwiithana Ziba oorumeyella a Saulo, aamulleella wi, “Ddeko ddittheddene nnddo ddaari dda Saulo ni ddittheddene dda vanibanjani ddaye kooddivaha wa eddullu ya Saulo, apwiiyo.

2 Samuele 16:3

Vano mwenooyo aakoha wi, “Ethiyo mwaana a apwiiyo ahanlle wuuwi?” Ziba ahaakhulla wi, “Ahanlle o Yerusalemu vawi anallota wi, ‘Vano Aisraele aakihokollosella omwene wa attiitthaaka.’ ”

2 Samuele 16:5

Mwene Davide aphiyalleeye o muzinda wa Bahurimu, waakhumellella muthu a munibanjani na Saulo, nnddina naye Shimei, mwaana a Gera, awa aruwanaka.

2 Samuele 19:27

Koma olliyooyo aakilleka miyaano kaporwaanyu dda nyu apwiyaaka amwene. Nave nyuwaano muri wonanko mungelo a Mulluku. Vano mweere eyo enaawuuddivelleni.

2 Samuele 14:8

Vano Davidoolle aamulleella mutthiyanoolle wi, “Moowe, rowani owaninyu, miyaano kineeroweeravo ello va mwaha yoolla.”