2 Samuele 16:23 - Mawu a Mulluku

²³ Vano mallapo yaayo, malangizo ayo yavelleelliiwa ni Ahitofele yaari wonanko mawu oovenyera wa Mulluku. Sika malangizo mattheene yavelleelliiwa ni Ahitofele yaanathwariwa ni Davide ni Abishalomweene.

2 Samuele 16:23 ပူးပေါင်းရင်းမြစ်များ

2 Samuele 15:12

Abishalomu avelleelleeye mukutho o Hebroni, aarumiha mawu wa Ahitofele mulangizi a Davide o muzinda wa Gilo. Owukilanko wahunnuwa wunchichi. Nave athu ayo yaari vatulli va Abishalomu yaanaanjerereyanjerereya.

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

2 Samuele 17:14

Yiiwalliiwa ddenndda Abishalomu ni Aisraele attheene yaallota wi, “Malangizo aphaama tti alla a Hushai Mwarikoolla woohikhalla a Ahitofelaalle.” Ddaari ddiiddo kaambiiwa Apwiya sika yeerihalle wi malangizo aphaama a Ahitofele ekukureye, ddeko ddihimweetelle phaama Abishalomu.

1 Petro 4:11

Arive muthu anallalleya, allalleyeke othenga wa Mulluku, arive muthu anarumeyella, arumeyelleke ni masiva oovenyera wa Mulluku wi mu ddeko ddittheddene ntitimiho niyeeke wa Mulluku oweella mwa Yesu Khrisitu. Wa olliye okhalle ntitimiho ni masiva wa enthawi yoohimalla. Amen.

Aroma 1:22

Alliwaayo enaddeesa tti athu eezeru koma tti ookarangeya.

Luka 16:8

“Voomallihella apwiya a mullupa mutteko oohiroromelleyooyo yaamuthokoza ekaamba ya weera ello moochenjera mwawi ddiidda. Athu a va ellapo yavatthi tti oochenjera vaweerellana ddeko ddiwa waakhwaranya athu ookhalla mu owala wa Mulluku.”

Mateyu 11:25

Enthawi yeeyo Yesu aallota wi, “Attiitthaaka, Apwiya ooddullu ni ellapo yavatthi, kinimuutitimihani kaambiiwa mwaavittha ddeko ddenndda wa athu oohuddera ni eezeru muupullulla wa athu oohihuddera.

Yeremiya 8:9

Athu eezeru eneerowulliwa muru, eneeromalla ezeru nave eneerophariwa. Aakhoota mawu a Apwiya, vano ezeru ddiwa tti ddawiidde?

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Oollalleya 10:1

Engwillihi ddookhwa ddinnawiiha nthuko noonanara mu makhura awunkhella phaama emoddamoddave yeeyo okarangeya vang'ono onnoononga ezeru ni olemu.

Masalimo 28:2

Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

Masalimo 19:7

Malangizo a Apwiya tti aphaama wunchichi, ennahihimulla okumi. Omboni wa Apwiya tti woororomelleya, onnaavaha ezeru ayo ehinna.

Yobu 28:28

“Sika aamulleella muthu wi, ‘Owoova Apwiya sika ezeru, othawa ddoonanara sika odduwella.’ ”

Yobu 5:12

Annavirikaniha echiwembu dda oowaraalla wi ddoopaalla ddiwa ddihiphure ello.

1 Samuele 30:8

Vano Davide aaveka wa Apwiya voollotani wi, “Ethiyo kiwuthware mulloko wakhoto wa Aamaleke? Ethiyo kineerewaagonjiha?” Apwiya yaamwaakhulla wi, “Athware vawi oneerewaagonjiha nave oneerowaavullusa akaporwaayo,”

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

2 Samuele 15:31

Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

2 Samuele 17:1

Ahitofele aamulleella Abishalomu wi, “Mukaakhullelle wi kaatthoolle athu 12,000, kitimullena wi kimuthamakelle Davide mahiiyu vaava.