2 Samuele 16:21 - Mawu a Mulluku

²¹ Ahitofele aamulleella Abishalomu wi, “Khaweni mwakone ni awara ang'onong'ono a attiitthaanyu ayo aahiyalleeye wi ewehereke enyumbaaye. Aisraele attheene eneerodduwella wi attiitthaanyu ahuushellani murima nave attheene eri vatulli vanywaalla eneerollipa murima.”

2 Samuele 16:21 ပူးပေါင်းရင်းမြစ်များ

2 Samuele 20:3

Davide aphiyalle o enyumbaaye o Yerusalemu ahaakusa awariye ang'onong'ono ayo aahiyalleeye wi ewehereke enyumbaaye aawallella mpa mmo amuhiyalleeyemo mulonda. Aanaavaha yoocha koma Davide khaakonana awariyaayo. Ahaawallella mpa ophiyera nllapo yakhwilliiwa nave yakhalla wonanko anaamukhwelle

2 Samuele 15:16

Sika mwenoolle aatimulla ni athu attheene a vanibanjani vaye. Koma mwenooyo ahaahiya awariye ang'onong'ono khumi wi ewehereke enyumbeeyo.

Zekariya 8:13

Nyu mabanja a Yuda ni Israele, khalle mwaari echizindikiro ya matembelelo variyari va mitundu ddimodda dda athu. Koma vano kineerewuuvullusani wi mukhalle echizindikiro ya madaliso. Muhoove, llipani murima.”

2 Samuele 2:7

Ekaamba ya yeella mullipe murima nave mukhalleke wonanko allopwana vawi apwiinyu Saulo aakhwa nave athu a o Yuda aakizoza wi kikhalle mweniiwa.”

Levitiko 18:8

Ohaarulle attiittho vookonani ni arive mwaariwa.

1 Akorinto 5:1

Vano ddinniiweya wi vookhalla oraruwa variyari vanyu. Oraruwa wene tti wawi naari athu oohimullapella Mulluku kheneera. Koolleelliwa wi muthu annakona ni mwaara a attiitthinnya!

1 Mamwene 2:22

Mwene Solomoni aawaakhulla amennyaayo wi, “Munavekella tini wi Abishagi Mushunamu akhalle aaye a Adoniya? Vekanittho ni omweneene vawi olliye tti mwanamunnaka muullupalli nave anniiwanana ni mullupa mukutho Abiyatara ni Yowabu mwaana a Zeruya.”

1 Mamwene 2:17

Nave aallota wi, “Mumuveke mwene Solomoni akivahe Abishagi Mushunamu wi akhalle mwaaraka. Kinnadduwella wi mwene khakhoota.”

2 Samuele 12:11

Vano mi Apwiya kinallota wi kineerewuumorihella ddoonanara vanibanjani vawo vaavo. Kineerowaakha awariyo, weyaano woonaka, kimwinnye mukhwaawo nave aneerokona ni awariywaayo nndduwa noopaka!

1 Samuele 27:12

Nave Akishi aanamukhulupilila Davide vooganizani wi, “Davide ohiitthattusa muthu oonanara, awiitiwa ni athwaayeene Aisraele. Ekaamba ya yeella anaakhalle oorumeyellaaka okumaaye muttheene.”

1 Samuele 13:4

Aisraele attheene yahiiwa wi Saulo oomwiipha akhoto muullupalli a Afilisti nave Afilisti ahaashella murima Aisraele. Athu yahiithaniwa wi eye wa Saulo o Giligala.

Levitiko 20:11

Muthu ookona ni mwaara attiitthinnya, ohaarulla attiitthinnyaayo nave attheenaayo yiiphiwe. Nikhame niwa ninaakhalle va muru viwa.

Genesis 38:16

Voohidduwellani wi tti mvokohaaye, Yuda aaya vakhwipi va musewu vaari mutthiyanooyo amulleella wi, “Ethiyo ttuukaakhullella wi kikone ni weyaano?” Mutthiyanooyo aakoha wi, “Munaakivahe tini?”

Genesis 35:22

Yakobo ari mwiillaponimmo, Rubeni aakona ni Biliha, mmodda mwa awariye ang'onong'ono a attiitthinnya nave Yakobo ahiiwa ddenndda. Yakobo aari ni anamwani aallopwana khumi ni eelli.

Genesis 34:30

Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.”

Genesis 6:4

Va mallapo yaayo naari vatulli viwattho vaakhalla athu amasiva ni oorekama va ellapo yavatthi ayo yaari edduullu dda atthiyana alle yatthelliwe ni anamwani aallopwana a Mullukwaalle. Alliwaalla yaari anamwani oodduwelliwa navettho athu oovuwa va mallapo akhallaayo.

2 Samuele 16:20

Vano Abishalomu aamukoha Ahitofele wi, “Vano weyaano onaganiza wi neere tini?”

2 Samuele 17:7

Hushai aamulleella Abishalomu wi, “Ollellova malangizo evelleelliwe ni Ahitofele khe aphaama.”

2 Samuele 10:6

Vano Aamoni yoonilliiwa wi aamullika Davide yahaaruma athu wi yaalembe mutteko Asiriya a o Beterehobu ni a o Zoba, akhoto aweeta vatthi 20,000. Yaamulembattho mwene a o Maaka ni athwaaye 1,000 owaakattho athu a o Tobu 12,000.

2 Samuele 13:5

Vano Yonadabu aamulleella wi, “Wakonaatthi vabedini vawo nave okhalle wonanko onimavoriiwa. Attiittho yaphiya wi ewoone waalleelle wi, ‘Mumulleelle Tamara murokoraka awe akikhozelle yoocha wi kiche. Akikhozelle yoocheeyo vamiitthoni vaka wi kiyoone nave kiyichelle m'mattani mwaye.’ ”

1 Mamwene 11:25

Rezoni aakhalla mudani a Israele mallapo mattheene a Solomoni, aanaakatamiha Aisraele monga eerella Hadadi. Nave aalamulella ellapo ya Siriya.