2 Samuele 16:19 - Mawu a Mulluku

¹⁹ Vano ttaani kinaamurumeyellekeemi mwaahikhalla nyuwaano mwaana a mwene? Moollikana ni mmo kaarumeyelleemi attiitthaanyu, emoddamoddave yeeyo kineerewuurumeyellani nyuwaano.”

2 Samuele 16:19 ပူးပေါင်းရင်းမြစ်များ

2 Samuele 15:34

Koma weyaano ohokollweelle omuzindani wamulleelle Abishalomu wi, ‘Nyu mwene, mi kinaakhalle oorumeyellaanyu. Valle khalle kaari oowaarumeyella aattiitthaanyu, emoddamoddave yeeyo vano kinaakhalle oorumeyellaanyu.’ Koma wavaanyiheke erive malangizo ayo Ahitofele anaavelleellekeeye.

Masalimo 55:21

Mawaaye ennasalala wonanko batala komave m'murimani mwaye muri ekhoto. Mawaaye ennoollowa okhwaranya makhura komave aakhalla ni masupada awiisha.

Agalatiya 2:13

Ayuda amodda yahaambattho okhalla wonanko Petro nave naari Baranaba aakuseya murima ni makhallello awootthaayo.

1 Samuele 29:8

Davide aamukoha Akishi wi, “Ethiyo kichimwalle tini? Apaalle moophwanya machimo oovenyera wa mi oorumeyellaanyu, waambeella valle kaambeelleemi wuupharellani mutteko ophiyera ollello. Vano yookilepheliha tti tini owana ekhoto ni adani a apwiyaaka amwene?”

1 Samuele 28:2

Davide ahaakhulla wi, “Ddawoona, muneerewoona yeekhiinyu mmo kinaaweerelleemi, mi mullupa muttekwaanyu.” Akishi aallota wi, “Vano kineeroweera wi okhalle oowehera ooteteza mu okumaawo muttheene.”

2 Samuele 16:18

Hushai aamwaakhulla Abishalomu wi, “Iyaayi, muthu oyo atthoolliwe ni Apwiya owaaka athwaalla, vamodda ni allopwana attheene a Aisraele yooyo sika kinaamurumeyellekeemi nave kinaakhalle vatulli vaye.

2 Samuele 16:20

Vano Abishalomu aamukoha Ahitofele wi, “Vano weyaano onaganiza wi neere tini?”