2 Samuele 16:10 - Mawu a Mulluku

¹⁰ Koma mwenooyo aamwaakhulla wi, “Vaava yaanyu erivo tti tini, nyu anamwani a Zeruya? Olliyoolla aarimi akiruwanaka ekaamba yawi Apwiya sika emurumalle wi, ‘Muruwane Davidoolla,’ Ttaani anaamukohe wi, ‘Kaambiiwa tini oneereewe ddenndda?’ ”

2 Samuele 16:10 ပူးပေါင်းရင်းမြစ်များ

2 Samuele 19:22

Koma Davide aamwaakhulla wi, “Mi kiri ni tini ni nyuwaano anamwani a Zeruya? Ttaani uutthoonlleni wi mukilleelleke ayo yenre ddoonanara? Ollellova, miyaano sika kiri Aisraele nave khaavo mu Israele oyo anaawiiphiwe.”

Aroma 9:20

Koma nyuwaano ttaani, asinnaka ni arokoraka wi mumuhumullulle Mulluku? Muno khonamukoha muthu oyo awoopille wi, “Kaambiiwa tini wakoopilleewe mwawi ddiidda?”

Yohane 18:11

Yesu aamulleella Petro wi, “Hokollosella nsupada nawo mu nigonelo mwiwa! Ethiyo kihimuwirye kapu a ddoohoosa oyo Attiitthaaka yaakivahilliiwa?”

1 Petro 2:23

Allotelliweeye epewe, khaawaakhullalle epewe, ahoosiweeye khoopopihalle koma ahiivelleella wa Mulluku oyo aneeruza moolungama.

Mateyu 16:23

Koma Yesu aamurukunuwella Petro allota wi, “Okivenyerevo, Satana! Weyaano tti oolepheliha muttekwaaka kaambiiwa maganizwaawo khenavenyera wa Mulluku koma wa athu.”

Daniele 4:35

Attheene ookhalla vatthimva eneesiwa etthiru, anneera ddoomuddivella oddullu ni vatthi. Khaavo naari mmodda oomuvaanyiha ddoopaalla ddaye apaalle omukoha wi, ‘Wenre tini?’ ”

2 Samuele 3:39

Vano ollello kookhumuwa wunchichi naari kiri mwene oozoziwa.* Athu yaalla, anamwani a Zeruya, aakiramiha yaweera. Apwiya emuhokolloselle muthu aweera ddoonanara moollikana ni onanara waye.”

Genesis 50:20

Nyuwaano mwahiiwanana okeerella yoonanara koma Mulluku aatthattusa okhalla yaphaama wi athu anchichi evullusiwe. Sika ekaamba yawi ollello athu anchichi aavullusiwa.

Oollalleya 8:4

Vallethi mawu a mwene tti amasiva. Ttaani anaamukohe wi, “Ethiyo muneera tini?”

Yobu 9:12

Ngoonani, annaakha. Ethiyo ttaani anaamuhiihe? Ethiyo ttaani anaamukohe wi, ‘Ethiyo oneera tini?’

2 Mamwene 18:25

Navettho ethiyo khonadduwella wi Apwiya sika ekiwiihalle wuno wi kiyihelle ekhoto ni oyoononga ellapweella? Apwiya sika yakilleellille wi killipanena ni oyoononga ellapweella.”

1 Mamwene 2:5

Onnadduwella eyo Yowabu mwaana a Zeruya akeerelleeye voowiiphani Abinere mwaana a Neri ni Amasa mwaana a Yetere, akhoto uullupalli eelli a o Israele. Onnuupuwella wi aamoriha nikhame niwa enthawi ya murendelle wi ahokolloselle ddoonanara yeerilliiwa enthawi yakhoto. Aamorihella nikhame niwa va laambaaye ni va esapato ddaye.

Mateyu 8:29

Nave yaakhuwa wi, “Nuullikalleni tini nyuwaano, Mwaana a Mulluku? Moowa wuno wi munillake ehinakwakhwane enthawi eyo Mulluku atthoonlleeye wi athu ellakiwe?”

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Masalimo 39:9

Mi tti muthu oohillota, ngihulla vayanoni vaka, vawi tti nyuwaano mweerille ddenndda.

1 Samuele 26:19

Nyu apwiyaaka amwene, apellani maaru nnddo kinaallote mi mullupa muttekwaanyu. Yaarimi eri Apwiya eweerihalleni wi mukiwukile onapaalleya waapepesa ni mukutho. Koma yaarimi eri athu, Apwiya yaatembelele vawi aakiikariha wi kihikhallekena mu yoohallana ya Apwiya koma wi kallapelleke milluku ddimodda.

2 Samuele 19:23

Sika mwenooyo aamulleella Shimei wi, “Kinimallupella wi weyaano khawiiphiwa.”

Maliro 3:37

Ttaani anaawore olamula wi ddawi yooriyoori ddeereye, yaarimi Apwiya ehaakhullenlle ddennddo?