2 Samuele 15:31 - Mawu a Mulluku

³¹ Davide ahiiwa wi Ahitofele tti mmodda mwa athu oowukila ni Abishalomu. Vano Davide ahaamba ovekella, allotaka wi, “Mi kinimuuvekani Apwiya wi mutthattuse malangizo a Ahitofele wi ekhalle ookarangeya.”

2 Samuele 15:31 ပူးပေါင်းရင်းမြစ်များ

2 Samuele 17:23

Ahitofele oonille wi athu khethwarihalle malonjezwaayaalle, aamuwella bulwaaye, aya omuzindanaaye. Vano aakhoza ddittheddene dda mpa mwaye, iimakellella, aakhwa nave aavitthiwa mu mahame a attiitthinnya.

2 Samuele 17:14

Yiiwalliiwa ddenndda Abishalomu ni Aisraele attheene yaallota wi, “Malangizo aphaama tti alla a Hushai Mwarikoolla woohikhalla a Ahitofelaalle.” Ddaari ddiiddo kaambiiwa Apwiya sika yeerihalle wi malangizo aphaama a Ahitofele ekukureye, ddeko ddihimweetelle phaama Abishalomu.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

2 Samuele 16:23

Vano mallapo yaayo, malangizo ayo yavelleelliiwa ni Ahitofele yaari wonanko mawu oovenyera wa Mulluku. Sika malangizo mattheene yavelleelliiwa ni Ahitofele yaanathwariwa ni Davide ni Abishalomweene.

1 Akorinto 1:20

Sika vano, nndda ddinaaphiyihe wuuwi athu eezeru apaalle ahuddihi a malamulo* apaalle athu oodduwella ollota, ayo eri a ellapweella? Mulluku oheeriha wi ezeru dda athu a ellapweella ddikhalle ddookarangeya!

Masalimo 3:1

Nyu Apwiya, adanaaka tti anchichi, athu anchichi ennakiwukila.

Yobu 5:12

Annavirikaniha echiwembu dda oowaraalla wi ddoopaalla ddiwa ddihiphure ello.

2 Samuele 15:12

Abishalomu avelleelleeye mukutho o Hebroni, aarumiha mawu wa Ahitofele mulangizi a Davide o muzinda wa Gilo. Owukilanko wahunnuwa wunchichi. Nave athu ayo yaari vatulli va Abishalomu yaanaanjerereyanjerereya.

Yohane 13:18

“Nginallota dda nyuwaano attheene vawi kinnamudduwella oyo kamutthoonlleemi. Nave mawu a Mulluku eneerokwakhwanihiwa awi, ‘Muthu oyo aachille ni miyaano embale emodda tti yooyo akiwukilalle.’

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

Masalimo 109:3

Virive veko ennakillotella mawu ookiita, ennakillika vihiri ekaamba.

Masalimo 55:12

Aariki mudanaaka anakivevulla, kaaweerovillella, aariki mudanaaka anakeerella epewe, kaaweerewiipittha.

Yesaya 44:25

Miyaano sika kinnalepheliha ezizindikiro dda amasenga kinaakarangeyiha athu awoombesa makhanga. Miyaano sika kinaahumullulla mawu a athu eezeru, kinnooniha wi ezeru ddiwa tti ddookarangeya.

2 Samuele 17:5

Abishalomu aallota wi, “Omwiithane Hushai, Mwaariki wi niiwettho nnddo anaalloteeye.”

2 Samuele 17:7

Hushai aamulleella Abishalomu wi, “Ollellova malangizo evelleelliwe ni Ahitofele khe aphaama.”

Masalimo 55:10

Otthaana ni mahiiyu alliwa ennaapheella mpandiiwa, m'muzindanimmo mookhalla echiwawa ni ekhoto.