2 Samuele 15:30 - Mawu a Mulluku

³⁰ Davide aawella mwaango wa olivi, inllaka, ahiwanre esapato koma iikhunenlle omuruni. Athu attheene aariiyena yahiikhuneellattho omuruni enawella mwaango, yinllaka.

2 Samuele 15:30 ပူးပေါင်းရင်းမြစ်များ

Estere 6:12

Vatulli viwa Mordekai aahokollweella o enyumba yoomwene. Koma Hamani aaya mwawaakuva o enyumba waye inllaka, iikhuneelle muru.

2 Samuele 19:4

Mwenooyo aakhuneella owiitthoni aninlla wi, “Mwanaka, mwanaka Abishalomu, mwanaka, mwanaka!”

Ezekiele 24:23

Muneerowara enduwira, muneerowarattho esapato. Khamoopa ekutho apaalle omoriha miitthori. Koma muneerokatamiheya ekaamba ya machimwaanyu nave muneerekewiipullellellana muthu ni mukhwaaye.

Ezekiele 24:17

Wiipullelle koma yamuwariwari, ohinoopa ekutho. Oware enduwiraawo ni esapato ddawo. Ohikhuneelle owiitthoni apaalle ocha yoocha ya anaamukhwelle.”

1 Akorinto 12:26

Echiwalo ya mwiilli emodda yoona ovoreya, eziwalo ddittheddene ddinniwana ovoreya. Echiwalo emodda yavahiwa olemu, eziwalo ddittheddene ddinnahakallallana.

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Mitteko 1:12

Vano amurummwa yaahokollweella o Yerusalemu ovenyera o mwaango wa Olivi, oyo waatamanne ni Yerusalemu olendo vakhuviru nikilomita nimodda.

Luka 22:39

Yesu aakhumamo m'muzindanimmo aya o mwaango wa Olivi wonanko mmo addollweellelleeye nave oohudderaaye yaamuthwara.

Luka 21:37

Mallapo mattheene Yesu aanahuddiha mu enyumba ya Mulluku koma mahiiyu aanakhalla va mwaango wa Olivi.

Luka 19:41

Aatamenlleeye o Yerusalemu nave awoonilleeye muzindooyo, aawinllella

Luka 19:37

Aatamenlleeye o Yerusalemu, voosesereya va mwaango wa Olivi, mulloko muullupalli wa oohudderaaye yaamutitimiha Mulluku moohakallalla ni mawu oowella ekaamba ya ddeko ddoottikhiniha yoonilliiwa wi,

Luka 19:29

Aatamenlleeye matawoni a Betefage ni Betaniya vakhuviru ni mwaango wa Olivi, ahaarumiha oohudderaaye eelli wi ehoolle.

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Zekariya 14:4

Nllapo nenno eneerewiimella va mwaango wa Olivi oyo ori wookhuma nndduwa wa Yerusalemu. Mwaangooyo oneerokawiwa veelli ni ntapo nuullupalli noovenyera wookhuma nndduwa ophiyera woovollowa nndduwa. Hafu a mwaangooyo anaasuselle ompoto nave hafu mmoddooyo omwera.

Masalimo 43:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

2 Samuele 15:29

Sika Zadoki ni Abiyatara yaatukhulla nibokosinne eneerohokollweellana o Yerusalemu nave yakhalla wenko.

2 Samuele 19:5

Vano Yowabu aavollowa mpa mwa mwenooyo, amuphwanya mwenooyo allota wi, “Ollello mohaawulliha muru akhotwaanyu attheene ayo evullusalle okumaanyu ni okumi wa aniinyu aallopwana ni aatthiyana, owaakattho okumi wa awarinyu ni okumi wa awarinyu ang'onong'ono.