2 Samuele 15:3 - Mawu a Mulluku

³ Abishalomu aanamulleella wi, “Ngoona, nnddo onalloteewe tti ddaphaama ni ddoolungama koma mwene khamutthoollille muthu wi iiweke ddookhupanya ddanyu.”

2 Samuele 15:3 ပူးပေါင်းရင်းမြစ်များ

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

1 Petro 2:17

Mumuvaheke olemu arive muthu, mwaakondeke ookhulupilila akhwiinyu, mumooveke Mulluku nave mumuvaheke olemu Kaisara.

Mitteko 23:5

Paulo ahaakhulla wi, “Nyu Ayuda akhwaaka, ngaadduwella wi olliyoolla tti mullupa mukutho muullupalli. Mawu a Mulluku eni, ‘Ohillote ddoonanara dda owaahoollella athwaawo.’ ”

Mateyu 15:4

Vawi Mulluku aalamulella wi, ‘Waavaheke olemu attiittho ni amaayo nave muthu anaatembelela attiitthinnya naari amennya, ddawoona iiphiweke.’

Daniele 11:21

“Munipuroni mwaye muneerovollowa muthu oonyambuseya, oohiphwanella okhalla mwene. Olliye anaawe moorurumusa nave aneerewaakha omwenooyo moolleka.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Miyambo 30:17

Niittho nowaattheya attiitthinnya ni ovevulla owiiwellella amennya, anakhuku a mutapo eneeronitthorokolla nave miphangwi ddineeronicha.

Miyambo 30:11

Vookhalla amodda oowaatembelela attiitthiiwa, woohaadalisa ameewa.

Miyambo 12:2

Apwiya ennamweerella echifundo muthu aphaama koma ennamuvaanyiha aweera ddoonanara.

Masalimo 12:2

Arive muthu annamoottottha mukhwaaye, anniisha nllumi naye, annallota ni murima mmodda.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

Numeri 16:3

Attheenaayo yaatthukumana vamodda nave yaamuwukila Mose ni Aroni, yaalleella wi, “Nyu mohoonjera! Athu attheene tti aweella, arive muthu m'mullokonimmu tti a Apwiya nave Apwiya eri variyari vahu. Kaambiiwa tini munaddeeseenyu oomukhwaranya arive muthu va mutthukumano wa Apwiya?”

Eksodo 21:17

“Arive muthu anaatembelelle attiitthinnya apaalle amennya, iiphiwe.

Eksodo 20:12

“Waavaheke olemu attiittho ni amaayo wi enthawi ya okumaawo erekame mu ellapo eyo Apwiya Mullukwaawo enuuvahiiwa.

2 Samuele 15:4

Nave aanavirellella ollota wi, “Yakitthoollilleke miyaano wi kikhalle oweeruza mu ellapweella, arive muthu oyo ari ni mullatwaaye apaalle erive yookatamiha, eerekowaana wa miyaano nave keerekomweeruza mwa echilungamo muthooyo.”