2 Samuele 15:25 - Mawu a Mulluku

²⁵ Vano mwenoolle amulleella Zadoki wi, “Tukhullani nibokosi na echipangano na Apwiyanna muhokollweellena m'muzindani. Apwiya yakeerella echifundo eneerokihokollosa wi kinoonettho nibokosi na echipangano ni nipuro niwa nene.

2 Samuele 15:25 ပူးပေါင်းရင်းမြစ်များ

Yeremiya 25:30

“Vano we Yeremiya, llotella mowaahumullulla wi, ‘Apwiya eneerothuruma oddullu, mawiiwa eneerewiiweya wonanko ogugudeya wa murimu woovenyera o nipuro niwa naweella. Apwiya eneerothuruma moowella waasimwella athwiiwa eneerokhuwa wunchichi wonanko athu oovota mpesa voollipanani ni athu attheene a va ellapo yavatthi.

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Masalimo 26:8

Nyu Apwiya, kinnakonda enyumba eyo munakhalleenyumo, onipuroni nko ori ntitimiho nanyu.

Eksodo 15:13

“Koma athu ayo mwawoopollilleenyu, mwahaahoollella ni echikondaanyu yoohimalla, mwahaahoollella ni masivaanyu, oya onipuroni nanyu naweella.

Yeremiya 7:4

Muhiroromelleke mawu oolleka vooganizani wi muri vaphaama voollotani wi nipuro nenna tti enyumba ya Apwiya, enyumba ya Apwiya, enyumba ya Apwiya!’

Yesaya 38:22

Vano Hezekiya aakoha wi, “Ethiyo echizindikirweene ttiivi yoosimikizella wi kineeroyattho o enyumba ya Apwiya?”

Masalimo 122:9

Ekaamba ya enyumba ya Apwiya Mullukwaahu, kineerowaashella ddaphaama.

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

2 Samuele 6:17

Vano athu yaawaana nibokosi na Apwiya nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

Eksodo 33:12

Mose ahaalleella Apwiya wi, “Mookhalla mukilleellaka wi kaahoollelle athwaalla o ellapweeyo koma khemukilleelle oyo munaamurumeenyu wi athaanane ni miyaano. Komave moollota khalle wi, ‘Kinnuudduwella phaama nave kooweerella echifundo.’

Eksodo 33:13

Vano mwaarimi mukeerelle echifundo koonihelleni ettilla ddanyu wi kuudduwelleni nave wi muvirellelle okeerella echifundo. Muupuwellettho wi mutundoolla tti waanyu.”