2 Samuele 15:24 - Mawu a Mulluku

²⁴ Allupa mukutho, Abiyatara ni Zadoki yaathananana ni Alevi attheene, etukhullalle nibokosi na echipangano na Apwiya. Yaarulla vatthi nibokosinno, ophiyera athu attheene ekhumalle mu muzindammo.

2 Samuele 15:24 ပူးပေါင်းရင်းမြစ်များ

2 Samuele 8:17

Zadoki, mwaana a Ahitubi, ni Ahimeleki, mwaana a Abiyatara, yaari allupa mukutho nave Seraya aari namalembella.

Numeri 4:15

Vano Aroni ni Anaaye, emallihalle okhuneella ddekonnddo ni ezipangizo ddiwa ddittheddene athu yaatthaamaka, Akohati sika enaatukhulleke ddenndda koma ehittannye ddeko ddoopatuleya wi ehikhwe. Ddenndda sika ddeko dda m'musasani wamutthukumano nnddo Akohati enaatukhullekiiwa.

2 Samuele 20:25

Sheva aari namalembella a mwene. Zadoki ni Abiyatara yaari allupa mukutho.

1 Samuele 22:20

Koma Abiyatara mwaana a Ahimeleki sika avulluwalle, athawella wa Davide.

Ezekiele 48:11

Yeella ekhalle echigawo ya allupa mukutho oopatuleya, anamwani a Zadoki ayo yiiwellelle malamulwaaka voohaathwarani Aisraele mvo yahollowiiwa wonanko mmo yeerella Alevi.

1 Epilli 15:2

Vano Davide aallota wi, “Kheyiivo enaatukhulle nibokosi na echipangano na Mulluku oyaana onipuroni koma Alevive vawi Apwiya yahaatthoolla wi etukhulle nibokosi ni wi yaarumeyelleke wa enthawi yoohimalla.”

1 Mamwene 2:35

Vano mwene aamuhiya Benaya mwaana a Yehoyada va odindo wa akhoto muullupalli munipuroni mwa Yowabu nave aamuhiya mullupa mukutho Zadoki munipuroni mwa Abiyatara.

1 Mamwene 1:8

Koma mullupa mukutho Zadoki, Benaya mwaana a Yehoyada, namallotella Natani, Shimeyi, Reyi ni akhoto amasiva a Davide kheyaamuthwanre Adoniya.

2 Samuele 15:35

Ethiyo Zadoki ni Abiyatara, khehiyo allupa mukutho oriiwena wenko? Nave oweella mwa yaayo oneerokilleella ddittheddene onaawiwekeewe.

2 Samuele 15:27

Vano mwenooyo aamulleella Zadoki, mullupa mukuthoolle wi, “Hokollweella omuzindani mwamurendelle, weyaano ni Abiyatara ni aniinyu eelli, mwanawo Ahimaazi ni Yonatani mwaana a Abiyatara.

2 Samuele 6:13

Athu yatukhullalle nibokosi na echipanganonno yeeta vang'ono Davide aanawiimesa avelleella mukutho wa nankhoro a eng'ombe ni wa musaanaang'ombe ooneneva.

1 Samuele 4:11

Nibokosi na echipangano na Mulluku nahaakhiwa nave anamwani eelli a Eli, Hofini ni Finehasi yahiiphiwattho.

Yoswa 6:6

Vano Yoswa mwaana a Nuni aawiithana allupa mukutho aalleella wi, “Tukhullani nibokosi na echipangano nave allupa mukutho atthanu ni eelli etukhulle mapallapata amanyaka ankhosa, ohoollella nibokosi na echipangano ya Apwiya.”

Yoswa 6:4

Allupa mukutho atthanu ni eelli, arive muthu ari ni nipallapata na nnyaka na nankhoro a enkhosa, ehoollelleke nibokosi na echipangano. Va nllapo naneetthanu ni piilli, weyaano ni akhotwaawo, mwaapheelleke muzindooyo otthanu ni opiilli, allupa mukutho yiipaka mapallapataayo.

Yoswa 3:6

Osaka wene Yoswa ahaalleella allupa mukutho wi, “Tukhullani nibokosi na echipangano na Apwiya, mullapuwe, mwaahoollelle athwaayo.” Alliwaayo yaheera moollikana ni mmo Yoswa allotelleeye.

Yoswa 3:3

yaalleella athu wi, “Moona nibokosi na echipangano na Apwiya Mullukwaanyu nitukhulliwe ni Alevi, allupa mukutho, mutimulle m'mapuroni mwanyu nave mwaathwareke.

Numeri 7:9

Koma Akohati khaawaavahille ello kaambiiwa alliwa yaakhalla ni mutteko woopwatha ddeko ddoopatuleya nnddo yatukhulliiwa vanthurini.

1 Mamwene 2:26

Vano mwene aamulleella mullupa mukutho Abiyatara wi, “Khawe owaninyu o Anatoti vawi onaphwanella okhwa. Koma ngiwiipha veneva kaambiiwa waatukhulla nibokosi na echipangano na Apwiya Mulluku waariiwe ni attiitthaaka Davide navettho wi waahoowa nimodda ni attiitthaaka.”