2 Samuele 15:23 - Mawu a Mulluku

²³ Vano athu attheene yahaamba winlla mookhuwa mwenoolle ni athu oomuthwara yaviriiwa. Sika mwenooyo aallapuwa muhinje wa Kidroni nave athu attheene yaamuthwara eya ochipululu.

2 Samuele 15:23 ပူးပေါင်းရင်းမြစ်များ

2 Samuele 16:2

Mwenoolle aamukoha Ziba wi, “Kaambiiwa tini owiilleewe ni ddenndda?” Ziba ahaakhulla wi, “Amwene, Abulwaalla tti awi athu a munibanjani mwanyu yaawelleke. Buledoolla ni ezipaso ddeellimwenndda tti ddawi akhotwaanyu echeke nave nthumba na vinyonna tti nawi athu ayo enaangomoweke muchipululuni emuwiryeke.”

Yohane 18:1

Yesu amallihalleeye ovekella, aatimulla ni oohudderaaye oya okhopella wa muhinje wa Kedroni. Wenko waakhalla emata nave Yesu ni oohudderaaye yaavollowamo.

1 Mamwene 2:37

Va nllapo nno onaakhumeewemo ni ollapuwa ntapo na Kidroni, odduwelle moohikayikella wi oneerokhwa. Nave nikhame nawo ninaakhalle vamuru vawo.”

Aroma 12:15

Amodda yaahakallallaka, muhakallallekena nimodda nave amodda yaawinllaka mwinllekena nimodda.

Luka 1:80

Mwaanooyo ahunnuwa m'mwiillini ni m'munepani nave aakhalla ochipululuni ophiyera mallapo addoonihelleeye wa Aisraele.

Mateyu 3:3

Yohane tti oyo namallotella Yesaya amwaakeeye allotilleeye wi, “Okhuwa wa muthu mmodda muchipululuni onallalleya wi, ‘Llimani musewu wa Apwiya, okollani ettilla wi yeetemo.’ ”

Mateyu 3:1

Viviralle miyakha ddinchichi Yohane Oobatiza aaya o chipululu ya o Yudeya aamba ollalleya.

2 Epilli 29:16

Allupa mukutho yaavollowa muwariwari mwa enyumba ya Apwiya wi yeellihemo nave yaakhumihamo ddeko ddittheddene ddoonanara yaddiphwanyilliiwa ni dda va nthato na enyumba ya Apwiya. Alevi yaaddikusa yadditathithellella o ntapo na muhinje wa Kidroni.

1 Mamwene 15:13

Mwene Asa ahaavenyiha omwene amunne, Maaka, ekaamba yawi yaapanga nifano na Asherimu. Olliye aanoononga nifanonno anipwesa, anoosa o ntapo na Kidroni.

2 Samuele 15:22

Sika Davide aamulleella Itai wi, “Vano hanko.” Vano Itai Mugitoolle aallapuwa muhinje wa Kidroni ni athwaaye, uullupalli ni ang'onong'ono ayo aariiyena.

2 Samuele 15:28

Vano miyaano kinaaye kakhalle o madoko a muhinje wa Yordani ochipululuni ophiyera kiiwalle mawu oovenyera wa nyuwaano ookilleella mmo ddeko ddikhallelliiwa.”

Yeremiya 31:40

Ntapo nittheene mmo yatathillelliiwa mitembo ni ntuura navettho emata ddittheddene waambeella o muhinje wa Kidroni ophiya o Ekona ya Kavalo wookhuma nndduwa, ddittheddenennddo ddinaakhalle ddoopatuleya vamiitthoni va Apwiya nave khowa okumulliwattho apaalle woonongiwa.”