2 Samuele 15:21 - Mawu a Mulluku

²¹ Koma Itai ahaakhulla wi, “Kinimallupella vamiitthoni va Apwiya ni vamiitthoni vanyu, apwiyaaka amwene, orive weko nko nyuwaano apwiyaaka munaakhalleenyuwo, khaya va makhwello apaalle vookumini, mi oorumeyellaanyu kinaakhalle wenko.”

2 Samuele 15:21 ပူးပေါင်းရင်းမြစ်များ

Miyambo 17:17

Mukhwaawo annuukonda enthawi ddittheddene nave mwanamunno ayariwe wi uukavihereke mu ddookatamiha.

2 Mamwene 4:30

Vano amennya a mwaanoolle yaallota wi, “Kinimallupella vamiitthoni va Apwiya ni vamiitthoni vanyu, mi nguuhiyani.” Sika Elisha aatimulla amuthwara.

2 Akorinto 7:3

Nginallota yeella wi kiweereni oochimwa. Koma wonanko mmo kallotilleemi khalle, nyuwaano tti ookondiwa wunchichi wa hiyaano, sika enthawi ddittheddene munnakhalla m'murimani mwahu, vookumini naari vookhwani.

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Miyambo 18:24

Awaattana ni anchichi annaddoononga koma vookhalla waattana waamodda nko onakhwaranya wa muthu ni mwanamunne.

2 Mamwene 2:6

Vatulli viwa Eliya aallota wa Elisha wi, “Pepaani khalla vaava vawi Apwiya aakiruma wi kiye o Yordani.” Koma Elisha aamulleella Eliyooyo wi, “Kinimallupella vamiitthoni va Apwiya ni va nyuwaano wi nguuhiyani Ata.” Sika athu eellaayo yaavirellella olendwiiwa.

2 Mamwene 2:4

Nllapo nenno Eliya aamulleella Elisha wi, “We Elisha, pepaani khalla vaava vawi Apwiya aakiruma o Yeriko.” Koma Elisha aallota wi, “Kinimallupella vamiitthoni va Apwiya ni va nyuwaano wi nguuhiyani.” Sika athu eellaayo yaaya o Yeriko.

2 Mamwene 2:2

Eliya aamulleella Elisha wi, “We Elisha, pepaani khalla vaava vawi Apwiya aakiruma o Betele.” Koma Elisha aallota wi, “Kinimallupella vamiitthoni va Apwiya wi nguuhiyani.” Sika eellaayo yaaya o Betele.

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

2 Samuele 15:22

Sika Davide aamulleella Itai wi, “Vano hanko.” Vano Itai Mugitoolle aallapuwa muhinje wa Kidroni ni athwaaye, uullupalli ni ang'onong'ono ayo aariiyena.