2 Samuele 15:20 - Mawu a Mulluku

²⁰ Weyaano owiille oddilloddillova. Ollello kuukuse weeteeteke ni miyaano? Nko miyaano mwaneenaka kinayeemiwo nginadduwellawo. Hokollowa ni athwaawo nave Apwiya yuukonde nave eweerelle ddaphaama moollikana ni ororomelleya wiwa.”

2 Samuele 15:20 ပူးပေါင်းရင်းမြစ်များ

1 Samuele 23:13

Vano Davide ni akhotwaaye ayo yaari 600, yaavenyawo o Keila moothawa. Saulo iiwalle wi Davide oothawawo o Keila, ahaalleella akhotwaayo wi ehiyeewo.

2 Samuele 2:6

Vano enthawi yeella Apwiya eneerowoonihellani echikondiiwa yoohimalla ni ororomelleya wiwa wa nyuwaano. Navettho miyaano kineeroweerellani ddaphaama ekaamba ya ddaphaama mweerilleenyunndda.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Amosi 8:12

Athu eneerekeweeteeta nngu ni nngu, ovenyera o enyanja emodda oya o enyanja emoddattho, ovenyera ompoto oya wookhuma nndduwa waashaasha mawu a Apwiya koma ohaaphwanya.

Miyambo 14:22

Ethiyo oyo anaganizella ddoonanara khanahollowa? Ooganizella ddaphaama anneerelliwa echifundo ni ororomelliwa.

Masalimo 89:14

Eechilungamo ni echiweruzo sika ddikeraatthihalle omweniiwa. Echikondaanyu yoohisintheya ni ororomelleya wanyu, ddinnahoolla vamiitthoni vanyu.

Masalimo 85:10

Echikondi yoohisintheya ni ororomelleya ddineerokumana, echilungamo ni murendelle ddineerokhupaarellana.

Masalimo 61:7

Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 59:15

yaashaashaka yoocha, ennakhuwa yaahivona.

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

Masalimo 56:8

Munneerenga othawathawa waka, sungani miitthori ddaka m'munoni mwanyu. Ethiyo nndda khaddilembiwe munibukhuni mwanyu?

Masalimo 25:10

Ettilla ddittheddene dda Apwiya tti dda echikondi yoohisintheya, tti ddoororomelleya wa athu oosunga echipanganwiiwa ni malamulwiiwa.

Miyambo 3:3

Ohihiye echifundo ni ororomelleya nave oware munikohini mwawo ni oddilemba m'murimani mwawo.

2 Samuele 2:5

ahaarumiha athu amodda ni othenga wawi, “Apwiya yuudaliseni vawi mohooniha ororomelleya wanyu vawaavitthani apwiinyu Saulo.

Masalimo 61:8

Sika enthawi ettheene kineerewiipa machipo awuutitimihani, nllapo ni nllapo kineerekeweera nnddo kallupenlleemi.