2 Samuele 15:10 - Mawu a Mulluku

¹⁰ Koma Abishalomu ahaarumiha amithenga mwawiipittheya o malloko mattheene a Aisraele yallotaka wi, “Mwiiwa winlla wa nipallapata, mukhuwe wi, ‘Abishalomu sika ari mwene a o Hebroni’ ”

2 Samuele 15:10 ပူးပေါင်းရင်းမြစ်များ

1 Epilli 12:38

Attheenaalla yaari athu akhoto ayo yaawiille o Hebroni ni murima mmodda wi yamuvollochihe Davide omwene wa Aisraele attheene. Aisraele attheene yaaniiwananana ddoomuvollochiha Davide omwene.

1 Epilli 12:23

Nave ella sika echiwerengero ya milloko dda akhoto ayo yawiille wa Davide o Hebroni wi emuvollochihe omwene munipuroni mwa Saulo moollikana ni mawu a Apwiya.

1 Epilli 11:3

Sika oohoollella attheene a Aisraele yaawa o Hebroni o Hebroni nave Davide aakeraatthihana echipangano wenko vamiitthoni va Apwiya. Nave yaamuzoza Davide wi akhalle mwene a Aisraele moollikana ni mawu a Apwiya yallotiwe ni Samuele.

2 Mamwene 9:13

Sika arive muthu aakusa mukanjwaaye awaanddellella vamasitepeni wi Yehu akeraatthivo nave ahoopa nipallapata, allalleya wi, “Yehu sika mwene.”

1 Mamwene 1:34

Wenko mullupa mukutho Zadoki ni namallotella Natani yamuzoze wi akhalle mwene a Israele. Vatulli viwa moope nipallapata ni okhuwa wi, ‘Mwene Solomoni akhalle ni okumi woorekama!’

2 Samuele 19:10

Koma Abishalomu oyo hiyaano namuzozilleehu wi akhalle mwenaahu aakhwa okhotoni kaambiiwa tini muhinalloteenyu ddoomukusawo mwene Davide wi ahokollowe?”

2 Samuele 14:30

Vano Abishalomu ahaaruma oorumeyellaaye wi, “Emata ya Yowabu yohaatamana ni emataaka nave mookhalla mmiddo wa barele mwemmo. Khaweni mwawuhelle munllo.” Sika oorumeyella a Davidaayo yaaya yawuhella munllo.

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

2 Samuele 5:5

O Hebroni ahaalamulella Ayuda miyakha mitthanu ni miilli owaaka miyeri mitthanu ni mmodda. Nave o Yerusalemu ahaalamulella Aisraele attheene ni o Yuda miyakha 33.

2 Samuele 2:11

Vano Davide aakhalla a nlloko na Yuda o etawoni ya Hebroni vakhuviru miyakha mitthanu ni miilli ni miyeri mitthanu ni mmodda.

2 Samuele 2:1

Ddiviralle ddenndda Davide ahaakoha Apwiya wi, “Ethiyo kiye mu muzinda mmodda mwa mizinda dda Yuda?” Apwiya yaamwaakhulla wi, “Ee, khawe.” Vano Davide aakoha wi, “Kiye muzindeene oovi?” Apwiya yaallota wi, “Oye o Hebroni.”

2 Samuele 15:9

Vano mwenooyo aamulleella wi, “Khawe weete phaama.” Sika Abishalomu aatimulla aya o Hebroni.

1 Mamwene 1:11

Vano Natani aamukoha Batesheba amennya a Solomoni wi, “Ethiyo khewiiwalle wi Adoniya mwaana a Hagiti ohiivollochiha omwene koma Davide apwiihu khenadduwella?