2 Samuele 14:32 - Mawu a Mulluku

³² Abishalomu aamwaakhulla Yowabu wi, “Kookhalla kirumihaka mawu wa weyaano wi kuurume wa attiitthaaka, mwene wi waakohe ekaamba eyo kavenyelleemi o Geshuri owa wuno? Waphaama kakhallakave weewulle.” Abishalomu aavirellella ollota wi, “Kinapaalla koonanena mwenooyo. Kaarimi kiri oochimwa mwenooyo akiiphe.”

2 Samuele 14:32 ပူးပေါင်းရင်းမြစ်များ

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

1 Samuele 20:8

Okeerelle ddaphaama miyaano kaporwaawo, valle waakeraatthiha echipangano ni miyaano vamiitthoni va Apwiya. Kaarimi kuulakwenlle okiiphe weyaano weekhawo koma woohikhalla wi wakivelleelle m'mattani mwa attiittho wi kiiphiwe.”

Eksodo 14:12

Ethiyo hiyaano nihinavenye o Iguputo, khenaawuulleelleni khalle dda ddenndda? Hiyaano naallota wi, ‘Munihiye, nikhalleve akaporo a Aiguputo.’ Ddeerokhalla phaama wa hiyaano okhallave akaporo ohiyana ni wi nikhwelle o echipululu wuno.”

Aroma 3:19

Vano ninnadduwella wi erive ello m'malamuloni mmo enallota dda ayo enalamuliwa ni malamulwaayo wi athu ehikhalle ni mawu oothawellavo nave wi ellapo yavatthi ettheene yeeruziwe ni Mulluku.

Mateyu 25:44

Vano eneeromwaakhulla wi, ‘Apwiya, nawonneni niini nyuwaano muvolliwe ettalla apaalle muvolliwe nthona apaalle muri mulleto apaalle muhiri ni yoowara apaalle muri oovoriiwa apaalle muri mundende, hiyaano nihuurumeyellani?’

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.

Masalimo 36:2

Anniilleka m'maganizoni mwaye, khanadduwella machimwaaye ni wiitanana.

1 Samuele 15:13

Samuele aphiyalle wa Saulo, Saulooyo aallota wi, “Apwiya yuudaliseni. Koheera erive ello Apwiya yakilamulalliiwa.”

Eksodo 17:3

Koma athwaalle yaakhalla ni nthona wunchichi nave yaakhupanyella wa Mose ellota wi, “Kaambiiwa tini mwanikhumihelleenyu o Iguputo wi muniiphe ni nthona, hiyaano ni aniihu vamodda ni eziweto ddahu?”

Eksodo 16:3

“Waweerokhalla phaama Apwiya yaniiphelleke o Iguputo weewulle, nko nakhalleseehu nichaka enama ni buledi nave naanavona. Koma nyuwaano munikuselle o echipululu wuno wi muniiphe attheene ni ettalla.”

Genesis 3:12

Vaavo mullopwana ahaakhulla wi, “Mutthiyana mwakivahilleenyoolle sika akinnyalle ezipasonnddo wi kiche nave kaacha.”

2 Samuele 3:3

Aneepiilli aari Kiliyabu oovenyera mwa mwaariye Abigaile olle aari mwaara a muha Nabala a o Karimele. Aneeraru aari Abishalomu oovenyera mwa mwaariye Maaka, mwaana a Talimai, mwene a o Geshuri.

2 Samuele 13:37

Abishalomu voothawani athawenlle wa mwene a o Geshuri, Talimai, mwaana a Amihudi. Nave Davide ahinllella malirwaayo mallapo manchichi.

2 Samuele 14:31

Vano Yowabu aatimulla aya o enyumba ya Abishalomu amukoha wi, “Kaambiiwa tini oorumeyellaawo ehenlliiwa munllo emataaka ya tirigu?”