2 Samuele 14:30 - Mawu a Mulluku

³⁰ Vano Abishalomu ahaaruma oorumeyellaaye wi, “Emata ya Yowabu yohaatamana ni emataaka nave mookhalla mmiddo wa barele mwemmo. Khaweni mwawuhelle munllo.” Sika oorumeyella a Davidaayo yaaya yawuhella munllo.

2 Samuele 14:30 ပူးပေါင်းရင်းမြစ်များ

2 Mamwene 9:33

Olliye ahaalamula wi, “Mvokhelleni vatthi mutthiyanooyo.” Vano alliwa yaamuvokha vatthi nave nikhame naye naamorella va esiri ni va akavalo. Nave Yehu aamunyingallella mutthiyanooyo ni akavalwaaye.

Oweeruza 15:3

Samisoni ahaalleella wi, “Olendo yoolla athu ehikeere oolakwa kaweerella yoonanara yuullupalli Afilistaalla.”

2 Samuele 14:29

Nllapo nimodda Abishalomu aarumiha mawu wa Yowabu oomuveka wi amurume wa amwene. Koma Yowabu khaawiille. Abishalomu aarumiha mawu waneepiilli koma khaawiillettho.

2 Samuele 14:31

Vano Yowabu aatimulla aya o enyumba ya Abishalomu amukoha wi, “Kaambiiwa tini oorumeyellaawo ehenlliiwa munllo emataaka ya tirigu?”

2 Samuele 18:14

Yowabu aallota wi, “Onimakiselliha!” Nave aakusa mavaka mararu amuhomana Abishalomu vamurimani ahinakhwe aangille m'muteekhoni wa muthundooyo.